Ghul hai ke janasheen
Noha Lyrics & Urdu Writeup on Imam Ali (a.s) recited by Dilawar Hasan
غل ہے کہ جانشین پیمبر ہوا شہید
گریہ کرو بتول کا شوہر ہوا شہید
غل ہے کہ جانشین۔۔۔
چھاے نہ کیوں اندھیرا سر چشم مومنیں
دیں کے فلک کا مہر منور ہوا شہید
غل ہے کہ جانشین۔۔۔
کفار کے دلوں میں رہا خوف بن کے جو
وہ مردِ جنگ فاتح خیبر ہوا شہید
غل ہے کہ جانشین۔۔۔
سجدوں کو جس پہ ناز ہے جنت کو فخر ہے
وہ غمگسار ساقی کوثر ہوا شہید
غل ہے کہ جانشین۔۔۔
رب کی رضا بنا کے رہے منزل مراد
حق کے سفر میں دین کا رہبر ہوا شہید
غل ہے کہ جانشین۔۔۔
کونین میں محافظ اسلام حق شناس
عظم و وفا و صبر کا پیکر ہوا شہید
غل ہے کہ جانشین۔۔۔
دست نبی سے جس کو ملا دین کا الم
وہ میر کارزار غضنفر ہوا شہید
غل ہے کہ جانشین۔۔۔
تھے جس کے علم و فہم میں اسرار کاینات
دنیا میں ایسا شاہد داور ہوا شہید
غل ہے کہ جانشین۔۔۔
قرآن جس سے کر لیا کرتا تھا دل کی بات
ایسا مسافر ایسا سخنور ہوا شہید
غل ہے کہ جانشین۔۔۔
دانشورانِ دہر میں کہرام مچ گیا
جب باب علم نام خدا پر ہوا شہید
غل ہے کہ جانشین۔۔۔
محراب و مسجد و در و دیوار ہے خموش
بزمِ جہاں میں صاحب ممبر ہوا شہید
غل ہے کہ جانشین۔۔۔
فیاض ذوالفقار فلک کیوں نہ ہو ملول
ایسا شجاع ناظم لشکر ہوا شہید
غل ہے کہ جانشین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.