Ek sada hai
Noha Lyrics & Urdu Writeup on Shabe Ashoor recited by Shadman Raza
ڈھل نہ جائے رات
خیمہ خیمہ ایک صدا ہے اللہ خیر کرے
پیاسوں کے لب پر یہ صدا ہے اللہ خیر کرے
ہر بی بی ہے زیب مصلیٰ آنکھوں میں ہے اشک مسلسل
دل کی دھڑکن محو بکا ہے اللہ خیر کرے
خیمہ خیمہ ایک صدا ہے۔۔۔
ہے شب عاشور کا منظر روتی ہے ناموسِ پیمبر
رات گزرنے پر یہ صدا ہے اللّٰہ خیر کرے
خیمہ خیمہ ایک صدا ہے۔۔۔
کتنی حسرت سے بھای کو دیکھ رہی ہے ثانیء زہرا
جانے خواب میں کیا دیکھا ہے اللہ خیر کرے
خیمہ خیمہ ایک صدا ہے۔۔۔
دیکھ کے مشرق کی جانب کہتی ہے بھای سے زینب
آج یہ سورج کیا کہتا ہے اللہ خیر کرے
خیمہ خیمہ ایک صدا ہے۔۔۔
دیکھ کے روتی بانو جھولے میں اصغر کا چہرہ
جیسے جھولا خود کہتا ہے اللہ خیر کرے
خیمہ خیمہ ایک صدا ہے۔۔۔
کہتی ہے دل تھام کے لیلیٰ جی بھر کے اکبر کو دیکھوں
کس کو خبر کل کیا ہونا ہے اللّٰہ خیر کرے
خیمہ خیمہ ایک صدا ہے۔۔۔
لکھنے سے قاصر ہے مظہر کیسے لکھے اس رات کا منظر
دل میں غم کا درد اٹھا ہے اللّٰہ خیر کرے
خیمہ خیمہ ایک صدا ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.