Aa ke rasiyon se Sakina ko chura lo baba
Noha Lyrics & Urdu Writeup on Bibi Sakina (s.a) recited by Haji Ansar Party
آ كے رسیوں سے سکینہؑ کو چُھڑا لو بابا
میں ہوں مشکل میں مجھے پاس بلا لو بابا
آ كے رسیوں سے سکینہؑ کو چُھڑا لو بابا
نیند آتی نہیں سونے سے بھی ڈر لگتا ہے
لوں جو کروٹ تو میرے کانوں سے خون رِستا ہے
اپنے سینے پہ
گھڑی بھر کو سُلا لو بابا
تیرے قاتل مجھے رونے سے منع کرتے ہیں
جب بھی روتی ہوں تو عابدؑ پہ ستم کرتے ہیں
کُھل كے رو لوں مجھے
نیزے پہ اُٹھا لو بابا
بھاگتے اونٹ سے بابا میں کئی بار گری
دُر بھی چھینے میرے دیکھو میری پوشاک جلی
مجھ کو زنداں كے
اندھیروں سے نکالو بابا
شمر سے مانگوں جو پانی تو جھڑک دیتا ہے
پِھر میرے سامنے مٹی پہ گرا دیتا ہے
بھیج كے غازیؑ کو
دو بوند منگا دو بابا
نہ کوئی مجھ کو بلاتا ہے سكینہ کہہ كے
شام كے لوگ بلاتے ہیں یتیمہ کہہ کے
ٹھوکریں کھاتی
سكینہؑ کو سنبھالو بابا
بال کھینچے ہیں میرے رخ پہ طمانچے مارے
دیکھ كے غازیؑ كے سر کو رہے ہنستے سارے
ہائے ذرا اپنا
وفادار جگا لو بابا
آ كے رسیوں سے سکینہؑ کو چُھڑا لو بابا
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.