Wo teen din ki pyas
Noha Lyrics & Urdu Writeup on Shame Ghariban recited by Ali Zia Rizvi
وہ تین دن کی پیاس وہ تشنہ لبوں کی شام
اپنے گھروں سے دور وہ ان بے گھروں کی شام
بیوائوں کی یتیموں کی اور قیدیوں کی شام
دروں کی تازیانوں کی اور خنجروں کی شام
---وہ تین دن
بے سایہے آسمان وہ مقتل گرم ریت
صحرائے بے اماں میں وہ خستہ تنوں کی شام
---وہ تین دن
خیموں کے ارد گرد وہ لاشے عزیزوں کے
اور دشت کربلا میں وہ ان بے سروں کی شام
---وہ تین دن
لے جائے کون ان کا لہو بستیوں کی سمت
پھیلی یہ سارے شہر میں اب دشمنوں کی شام
---وہ تین دن
اصغر تمہاری یاد میں ہم سب ہیں اشک بار
بی بی سکینہ دیکھئے یہ آنسوئوں کی شام
---وہ تین دن
وہ گیارہویں کے چاند کی افسردہ روشنی
بالوں سے منہ چھپائے وہ شہزادیوں کی شام
---وہ تین دن
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.