Shaame ghariban may

شامِ غریباں آگئی بے کسی چھا گئی شام کی فوج خیموں تلک آگئی آتشِ ظلم خیمے جلانے لگی میرے خدا لبِ فرات سائبان جل گیا جلے خیام سیدہ کا پھر مکان جل گیا شامِ غر یباں میں حرم کرتے تھے فریاد ہائے ہائے ہائے ہائے ہائے علمدار شامِ غریباں میں۔۔۔

چادریں چھِن گئیں لُٹ گیا مال و زر خیمہ در خیمہ ہے بیبیوں کا سفر بیٹیاں فاطمہ کی ہوئی نوحہ گر تڑپ تڑپ کے یا علی پُکارتی تھی بیبیاں اِدھر اُدھر بس اپنے لال ڈھونڈتی تھی بیبیاں جلنے لگا ہائے اُدھر بسترِ بیمار ہائے ہائے ہائے ہائے ہائے علمدار شامِ غریباں میں۔۔۔

کیا کرے زینبِ خستہ دل کیا کرے نہ رہے وارثانِ حرم نہ رہے رات آئی نہیں اور سب سو گئے دھواں دھواں فضا لہو لہوہے دشتِ کربلا کسی نشیب سے ہے مستقل صدائے فاطمہ نالئہ یا فاطمہ یا حیدرِکرار ہائے ہائے ہائے ہائے ہائے علمدار شامِ غریباں میں۔۔۔

خاک پر آگئیں بیبیاں نوحہ گر گود میں پیاسے بچوں کے رکھے ہیں سر کس کو آواز دے ہائے جائے کدھر نہ کوئی بھائی ہے نہ بھائی کا پسر نہ بھانجا علی کی لاڈلی نے بھائی کا علم اُٹھا لیا میرِ صدر میرِ حرم زینبِ لاچار ہائے ہائے ہائے ہائے ہائے علمدار شامِ غریباں میں۔۔۔

ہائے ریحان و سرور سرِ کربلا ہو کے بے دست اک لاشہِ باوفا دیکھتا رہ گیا قافلہ چل دیا سلام بے کفن بدن وہ جن کے سر ہوئے جُدا سلام دُخترانِ فاطمہ اسیر و بے ردا اک رسن بارہ گلے کوچہ و بازار ہائے ہائے ہائے ہائے ہائے علمدار شامِ غریباں میں۔۔۔