Sada ran se deti
Noha Lyrics & Urdu Writeup on Shame Ghariban recited by Mirza Sikander Ali
صدا رن سے دیتی تھی اک لاشے بے سر
ادھر آ ادھر آ سکینہ سکینہ
یہ داغ یتیمی ہے تیرا مقدر
ادھر آ ادھر آ سکینہ سکینہ
ادھر آ کلیجے سے اپنے لگالوں
ادھر آ میں سینے پہ تجھکو سلالوں
ادھر آ میری جاں میں قربان تجھ پر
ادھر آ ادھر آ سکینہ سکینہ
یہ سنسان صحرا یہ ویران جنگل
غضب کا اندھیرا یہ خاموش مقتل
نہ گھبرا چلی آ سنبھل کر سنبھل کر
ادھر آ ادھر آ سکینہ سکینہ
تجھے دیکھنا ہے میرا زخم خنجر
تجھے دیکھنا ہے میری لاشے بے سر
تجھے دیکھنا ہے یہ دل سوز منظر
ادھر آ ادھر آ سکینہ سکینہ
جو سجدے میں حق کے جھکا تھا وہی سر
نظر آے گا تجھکو نوکِ سناں پر
بدن پر ہے اب ریگ صحرا کی چادر
ادھر آ ادھر آ سکینہ سکینہ
رلاےگی تجھکو بہت یاد میری
سنے گا نہ کوئی فریاد تیری
ستاے گا رستے میں شمر ستمگر
ادھر آ ادھر آ سکینہ سکینہ
اب انداز بدلے گا سونے کا تیرے
سلاےگی آغوش میں تجھکو مادر
یہاں میرے سینے پہ سوے گا اصغر
ادھر آ ادھر آ سکینہ سکینہ
تیرا سن نہیں غم اٹھانے کے قابل
کٹھن ہے تیرے امتحانوں کی منزل
علی کو صدا دی خدا سے دعا کر
ادھر آ ادھر آ سکینہ سکینہ
وقار حزیں کیا بیاں ہو وہ منظر
جو دیکھا تھا اس نے کہو اب میں کیونکر
بڑی جب سکینہ یہ آواز سن کر
ادھر آ ادھر آ سکینہ سکینہ
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.