Behti rahi furaat
Noha Lyrics & Urdu Writeup on Shame Ghariban recited by Nadeem Sarwar
ائے شامِ غریباں
بہتی رہی فُرات
خون ہو کر بہہ گیا اکبر کا دل
مسکرا کر ختم اصغر ہوگئے
بہتی رہی فُرات۔۔۔
کربلا کے دشت میں کیسا اندھیرا چھا گیا
آگئی شامِ غریباں سرخ ہے خاکِ شفائ
جل گئے خیمے سرِ شامِ الم
کتنے منظر خاک ہو کر رہ گئے
بہتی رہی فُرات
ڈھل گیا دن شام آئی شام بھی ایسی کے بس
دوپہر کے بعد چھائی ایسی تنہائی کے بس
کس طرح زہرا کا گھر لُوٹا گیا
کس طرح بے سر بہتّر ہوگئے
بہتی رہی فُرات۔۔۔
آج صبحِ دم یہ گھر روشن بھی تھا آباد بھی
سب کے وارث تھے سلامت بھائی بھی اولاد بھی
اک ہوا ایسی چلی پردیس میں
بے زباں بچے بھی بے سر ہوگئے
بہتی رہی فُرات۔۔۔
یہ ہے وہ شامِ غریباں جو قیامت بن گئی
دُخترِ زہرا کے سر سے جس نے چادر چھین لی
یارسو ل اللہ قیامت ہوگئی
داخلِ خیمہ ستمگر ہو گئے
بہتی رہی فُرات۔۔۔
ایک اک قطرے کو ترسے بن میں اطفالِ حسین
مشک زخمی خالی کوزے لاش پامالِ حسین
رہ گیا میدان میں بے کس کا تن
جشن مین مصروف لشکر ہوگئے
بہتی رہی فُرات۔۔۔
مرتے دم پانی پسرمانگے پدر مجبور ہے
تُوبتا شامِ غریباں القمہ کیا دُور ہے
وائے نہرِ القمہ بہتی رہی
اور پیاسے قتل اکبر ہوگئے
بہتی رہی فُرات۔۔۔
ہے وہی منظر وہی خیمے وہی تشنہ لبی
آئی ہے شامِ غریباں خوں رُلانے آج بھی
غم ہمیں ریحان وسرسر کیوں نہ ہو
مہوے ماتم جب پیمبر ہوگئے
بہتی رہی فُرات۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.