Ay saniye zehra

ہے شام غریباں کی یہ آواز اے ثانی زہرہ اے ثانی زہرہ

سونا ہوا رن چھا گئی مقتل میں اداسی سیراب ہوئی خوں سے جو خاک تھی پیاسی گلشن ہوا پامال ہر اک پھول ہے باسی خیمے کی نگہباں ہے محمد کی نواسی دن چھپ گیا رات آگئی سنسان ہے صحرا اے ثانی زہرہ اے ثانی زہرہ

اللہ کے محبوب تو جنت کو سدھارے جنگل کی ہوا سنتی ہے اب بین تمہارے مدہوش ہوئے نیند میں آکاش کے تارے مارے گئے عباس بھی دریا کے کنارے اب ان کی جگہ گرد علم دو تم ہی پہرہ اے ثانی زہرہ اے ثانی زہرہ

مظلوم بہن بھائی کے لاشے پہ کھڑی ہے لب بند رواں آنکھوں سے اشکوں کی لڑی ہے بے گور و کفن لاش بیاباں میں پڑی ہے اک حشر کا میدا ں ہے قیامت کی گھڑی ہے جب بھیگ گئی یاد تو سراب ہوا گہرا اے ثانی زہرہ اے ثانی زہرہ

بھائی سے کہو آکے سکینہ کو سلا دو قاسم کو پکارو علی اکبر کو صدا دو عباس ذرا آکے ردا سر پہ اڑھا دو بیٹوں سے کہو آن کے محمل میں بٹھا دو کل صبح کو جانا ہے تمہیں چھوڑ کے صحرا اے ثانی زہرہ اے ثانی زہرہ

جنگل سے سکینہ کو تو لے آئی ہوجا کر اصغر کو بھی تم گود میں لے آو اٹھا کر بہلاو کہانی کوئی باقر کو سنا کر کیوں لائیں نہ تم خاک سے اکبر کو جگا کر جنگل بھی ہے پرحول اندھیرا بھی ہے گہرا اے ثانی زہرہ اے ثانی زہرہ

بی بی سے بصدعرض یہی کہتا ہے اختر اے نور دل فاطمہ لخت دل حیدر اےکشتہ غم سید مظلوم کی خواہر میں مثل قدب ہوں مجھے کر دیجئے گوہر تاریخ ادب میں میرا پرچم ہو سنہرا اے ثانی زہرہ اے ثانی زہرہ