Ay baba hussaina
Noha Lyrics & Urdu Writeup on Shame Ghariban recited by Irfan Haider
جب شام غریباں میں یاد پدر آی
گھبرا کے سکینہ سر مقتل چلی آی
دامن تھا جلا اور لبوں پر تھا یہ نوحہ
اے بابا حسینا اے بابا حسینا
اینا اینا اے بابا حسینا
روتی ہے سکینہ پیاسی ہے سکینہ
اینا اینا اے بابا حسینا
ہیں آپ جہاں بابا مجھکو بھی بلا لیجیے
اک بار مجھے اپنے سینے پہ سلا لیجیے
بن آپ کے دنیا میں بیکار ہے جینا
اینا اینا اے بابا حسینا
روتی ہے سکینہ پیاسی ہے۔۔۔
ہے کان میرے زخمی اور خون بھی ہے جاری
خیموں کی رداؤں کی کرتی ہوں عزاداری
کچھ دیر سکوں پاؤں مل جاؤ اگر بابا
اینا اینا اے بابا حسینا
روتی ہے سکینہ پیاسی ہے۔۔۔
کس سمت تمہیں ڈھونڈوں مقتل میں بھٹکتی ہوں
بابا کی سمجھ کر میں ہر لاش پہ گرتی ہوں
امداد کرو میری بتلاؤ مجھے رستہ
اینا اینا اے بابا حسینا
روتی ہے سکینہ پیاسی ہے۔۔۔
کچھ دیر لپٹ کر میں بس آپ کے لاشے سے
وہ درد سناؤں گی بعد آپ کے جو پاے
ہر بات بتاؤں میں مل جائے اگر لاشہ
اینا اینا اے بابا حسینا
روتی ہے سکینہ پیاسی ہے۔۔۔
اس دشت میں روتی ہوں سب چاہنے والوں کو
ہر سمت اندھیرا ہے ترسی ہوں اجالوں کو
بعد آپ کے اے بابا تاریک ہے یہ دنیا
اینا اینا اے بابا حسینا
روتی ہے سکینہ پیاسی ہے۔۔۔
شبیر کے نوحے سے پھر گونج اٹھا صحرا
ہو تیرے مصایب پر قربان تیرا بابا
اک تیر لگا دل پر سن کر یہ تیرا گریہ
اینا اینا اے بابا حسینا
روتی ہے سکینہ پیاسی ہے۔۔۔
عرفان بھی روتا ہے اس بات پہ مظہر بھی
روتی تھی سکینہ بھی اور لاشہء سرور بھی
آواز پدر سن کر اس سمت چلی دکھیا
اینا اینا اے بابا حسینا
روتی ہے سکینہ پیاسی ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.