Aayi shame ghariban
Noha Lyrics & Urdu Writeup on Shame Ghariban recited by Mir Mohsin Ali
جب گردنِ شبیر پہ پھیرا گیا خنجر
پردیس میں لُوٹا گیا زہرا کا بھرا گھر
قاسم ہے نہ اکبر ہے نہ عباسِ دلاور
کنبے کی نگہباں ہے اب زینبِ مضطر
آئی شامِ غریباں زینب ہوئی تنہا
لاشہ تڑپ رہا تھا کسی کا لبِ فرات
چھینی تھی شمر نے سرِ زینب سے جب ردا
آئی شامِ غریباں۔۔۔
بچے کو اپنے ڈھونڈتی ہے ماں اندھیرے میں
ہاتھوں پہ ہیں لائے ہوئے جھولا جلا ہوا
آئی شامِ غریباں۔۔۔
دولہے کا لاشہ گھوڑوں سے پامال ہو گیا
یہ کیسا وقت حضرتِ کبریٰ پہ آگیا
آئی شامِ غریباں۔۔۔
عمّوں بچائیے مجھے شمرِ لعیں سے
اک بچی دشت میں یہی دیتی رہی صدا
آئی شامِ غریباں۔۔۔
بکھرائے اپنے بالوں کو روتی تھی فاطمہ
جس دم تھا حلقِ شاہ پہ خنجر لعین کا
آئی شامِ غریباں۔۔۔
خیموں کی راکھ بکھری پڑی تھی زمین پر
بیٹھا تھا سر جھُکائے اسیروں کا قافلہ
آئی شامِ غریباں۔۔۔
احمد بیان کرتا ہے کربلا کے واقعات
محسن جگر کو تھام کے پڑھتا ہے مرثیہ
آئی شامِ غریباں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.