Mere baba ke zuljana

جب کربوبلا میں سر شبیر کٹا ذوالجناح شہ والا بھی بکا کرتا رہا اسکے بھی تیر لگے باہ کٹی زین ڈھلا ایسے عالم میں سوۓ خیمہء شبیر چلا دیکھ کر اس کو سکینہ بھی فغاں کرنے لگی ہائے باگ گھوڑے کی پکڑ کر یہ بیاں کرنے لگی

میرے بابا کے ذوالجناح کیا میری یتیمی کی تو لایا ہے خبر

کر یاد کہ سمجھایا تھا تجھکو دم رخصت کھا جاۓ گی اس دل کو میرے باپ کی فرقت میں روتی رہی اور کیا تونے سفر میرے بابا کے ذوالجناح ۔۔۔

کہتے تھے تجھے بابا میرے اسماء وفادار یہ کیسی وفا تونے دکھائی میرے غم خوار چھوڑ آیا انہیں دشت بلا میں کیوں کر میرے بابا کے ذوالجناح ۔۔۔

یہ دیکھ میرے بالوں میں ہے خاک یتیمی اب سینے پہ ہر سانس بھی دشوار ہے میری آنکھوں میں میری دیکھ زرا غم کا اثر میرے بابا کے ذوالجناح ۔۔۔

میں روتی رہی اور تجھے ترس نہ آیا لے دیکھ میرے سر سے اٹھا باپ کا سایہ سینے پہ مجھے کون سلاۓ گا مگر میرے بابا کے ذوالجناح ۔۔۔

یہ خاک بیابان بنی میرا مقدر اب چھین کے لے جائیں گے بندے یہ ستمگر ہے داغ یتیمی ہی اسیری کی خبر میرے بابا کے ذوالجناح ۔۔۔

اس خاک کے بستر پہ مجھے سونا پڑے گا کیا نیند مجھے آۓ گی تونے نہیں سونچا جاگوں گی شب و روز یہی کہہ کہہ کر میرے بابا کے ذوالجناح ۔۔۔

چادر چھینیں گے لعیں خیمے جلا کر عمو کو بلاؤں گی کبھی بابا کو روکر چھینیں گے عدو جب میرے کانوں سے گوہر میرے بابا کے ذوالجناح ۔۔۔

اے شادماں مظہر بھی لکھے کیسے وہ منظر دم توڑا قلم نے بھی اسی بات کو لکھ کر بابا جو نہیں ہے تو جیوں میں کیونکر میرے بابا کے ذوالجناح ۔۔۔