Zindan may sakina ye
Noha Lyrics & Urdu Writeup on Bibi Sakina (s.a) recited by Mir Hasan Mir
زنداں میں سکینہ یہ بکا کرتی تھی رو کر
دم گھٹتا ہے اماں میرا اب یاں سے چلو گھر
کیا اندھیرا ہے دکھائی نہیں دیتا کچھ بھی
ہاتھ رکھتا نہیں اماں میرے سر پر کوئی
اور چند روز میں مر جاؤں گی میں گھٹ گھٹ کر
زنداں میں سکینہ یہ بکا ۔۔۔
خوں بھرا کرتہ بدل دو میرا پیاری اماں
اپنی گودی میں سلالو مجھے واری اماں
سونے دیتا نہیں اک پل بھی مجھے یہ ہجر پدر
زنداں میں سکینہ یہ بکا ۔۔۔
نیل رخسار کے کانوں سے لہو تازہ ہے
کچھ میرے درد کا اماں تمہیں اندازہ ہے
رات دن روتی ہوں دیدے کوئی بابا کو خبر
زنداں میں سکینہ یہ بکا ۔۔۔
تم تو کہتی تھی رہائی کی گھڑی آ پہنچی
ایسا لگتا ہے جدائی کی گھڑی
آ پہنچی
خواب میں آئے تھے میرے ابھی دادا حیدر
زنداں میں سکینہ یہ بکا ۔۔۔
پیاس سے خشک ہے رسی سے گلا ہے زخمی
اس پہ یہ ظلم کے رونے بھی نہیں دیتے شقی
گھڑکیاں شمر جو دیتا ہے تو پھٹتا ہے جگر
زنداں میں سکینہ یہ بکا ۔۔۔
خاک پہ سوتی ہوں بابا کا نہیں ہے سینہ
کتنا دشوار ہے اس رنج و محن میں جینا
رات دن روتی ہوں کردے کوئی بابا کو خبر
زنداں میں سکینہ یہ بکا ۔۔۔
نیند آتی نہ تھی ریحان جسے وہ بچی
سو گئی شام کے زندان میں یہ کہتی ہوئی
چین سے سوؤنگی زنداں سے جب جاؤں گی گھر
زنداں میں سکینہ یہ بکا ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.