Ye bali sakina hai

ہاے سکینہ ہاے ہاے ہاے شام

دن رات صدا جو آتی ہے ہر دل کو جو تڑپاتی ہے یہ بالی سکینہ ہے

زنداں میں جو روتی ہے بابا کو بلاتی ہے یہ بالی سکینہ ہے

نازوں سے پلی ہے یہ بچی سب اس کے ناز اٹھاتے تھے کبھی ماں کبھی بابا بھای چچا سب اس پہ واری جاتے تھے کبھی یہ گودی کبھی وہ گودی معصومہ کو یاد آتی ہے یہ بالی سکینہ ہے زنداں میں جو روتی ہے۔۔۔

بابا سے بچھڑ کر بیٹی نے کیا کیا نہ مصائب دیکھے ہیں پیاسی بھی رہی قیدی بھی بنی ظالم سے طمانچے کھاے ہیں جو سینۂ شاہ پہ سوتی تھی اب وہی خاک پہ سوتی ہے یہ بالی سکینہ ہے زنداں میں جو روتی ہے۔۔۔

زندان کے در سے جو گزرے بی بی ہر ایک سے کہتی ہے بابا سے ملو تو کہہ دینا تمہیں یاد سکینہ کرتی ہے تم پاس چلے آؤ بابا رو رو کے وہ چلاتی ہے یہ بالی سکینہ ہے زنداں میں جو روتی ہے۔۔۔

عاشور سے لیکر زنداں تک ہر ظلم اسے یاد آتا ہے عباس اکبر قاسم اصغر بابا کا غم تڑپاتا ہے زندان میں ماتم کر کر کے جو سب کا سوگ مناتی ہے یہ بالی سکینہ ہے زنداں میں جو روتی ہے۔۔۔

سجاد سے رو رو کہتی ہے کب ملنے بابا آیینگے اچھے بھیا یہ بتلا دو کیا ہم بھی کبھی گھر جایینگے کبھی بھای سے کبھی اماں سے ہر وقت سوال جو کرتی ہے یہ بالی سکینہ ہے زنداں میں جو روتی ہے۔۔۔