Watan chalo amma
Noha Lyrics & Urdu Writeup on Bibi Sakina (s.a) recited by Ali Rizvi Sachay
سکینہ کہتی تھی رو کر وطن چلو اماں
بہت ہے دل میرا مضطر وطن چلو اماں
گلے میں ڈال کہ نانی کے سب کے سب باہیں
ہر اِک شہید کو جسطرح جسقدر چاہیں
وہیں پہ روئیگے کھُل کر وطن چلو اماں
سکینہ کہتی تھی رو کر۔۔۔
بتائیں جھیلینگے آخر یہ سختیاں کب تک
پڑے رہینگے یونہی زیرِ آسماں کب تک
وطن سے دور کھُلے سر وطن چلو اماں
سکینہ کہتی تھی رو کر۔۔۔
چھپائے بیٹھیں ہیں سینے میں جانے کتنے غم
لپٹ کے روینگے عابد کی بیڑیوں سے ہم
برائے سبطِ پیمبر وطن چلو اماں
سکینہ کہتی تھی رو کر۔۔۔
نہ جانے کیسی عداوت ہے ہم سے اعدا کو
طمانچے کھائے کیا جب بھی یاد بابا کو
نہ رو سکے کبھی کھُل کر وطن چلو اماں
سکینہ کہتی تھی رو کر۔۔۔
سِنا کلیجے میں اکبر کے دیکھ لی ہم نے
چچا گزر گئے جاں سے نہ آہ کی ہم نے
ہے ایک بوجھ سا دل پر وطن چلو اماں
سکینہ کہتی تھی رو کر۔۔۔
یہ ختم ہونگے بھلا کب ستم زمانے کے
ہیں کاٹتے در و دیوار قیدخانے کے
میں مر نہ جاوں یہاں پر وطن چلو اماں
سکینہ کہتی تھی رو کر۔۔۔
اب اور جھیلنے ہیں ہم کو کتنے آخر غم
وطن سے دور بیابانِ کربلا میں ہم
لُٹا چکے ہیں بھرا گھر وطن چلو اماں
سکینہ کہتی تھی رو کر۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.