Utho sakina utho

اُٹھّو سکینہ اُٹھّو جاتا ہے کارواں تیرے بغیر جانے کیسے جیئے گی ماں زنداں کا یہ اندھیرا ہوتا کہاں سویرا پردیس میں سکینہ غمخوار کون تیرا زخمی ہیں کان تیرے چھینی ہیں بالیاں ...اُٹھّو سکینہ اُٹھّو

قبرِ بتول تنہا ویران ہے مدینہ کربوبلا میں اصغر زندان میں سکینہ دل کو ہلا رہی ہے اصغر کی ہچکیاں ...اُٹھّو سکینہ اُٹھّو

ماں جا رہی ہے بی بی ویران گود لے کر کربوبلا کے بن میں اپنا سہاگ دے کر کیسے مدینے جائوں سب کچھ تو ہے یہاں ...اُٹھّو سکینہ اُٹھّو

صغرا کاسامنامیں کیسے کروں بتادے پوچھے گی جب وہ مجھ سے میں کیا کہوں بتادے امّاں میری سکینہ کھو آئی ہو کہاں ...اُٹھّو سکینہ اُٹھّو

میں اِس گھڑی سے پہلے اے کاش مر ہی جائوں کس کس کو کیا بتائوں کس کس سے منہ چھپائوں پوچھیں گی مجھ سے آکر جب ساری بیبیاں ...اُٹھّو سکینہ اُٹھّو

دل غم سے ہے دوپارہ ہمیں شامیوں نے مارا عباس بھی نہیں ہے جو بڑکے دے سہارا جنگل میں سو رہی ہیںساری نشانیاں ...اُٹھّو سکینہ اُٹھّو

عرفان غمِ سکینہ ہے دُکھ بھری کہانی یہ دُکھ بھری کہانی ناصر کی ہے زبانی میں سوچتا ہوں اب بھی کیسے کروں بیاں ...اُٹھّو سکینہ اُٹھّو