Soja zaanu pe
Noha Lyrics & Urdu Writeup on Bibi Sakina (s.a) recited by Raza Abbas Zaidi
ماں پس شام غم یہ پکاری
اب کہاں شہ کا سینہ ہے پیاری
سوجا زانوں پہ سوجا سکینہ
خاک پر تم کو سونے نہ دونگی
سانس جب تک میں لیتی رہوں گی
گو کے اجڑی ہے گودی ہماری
سوجا زانوں پہ سوجا سکینہ
ماں پس شام غم۔۔۔
آج کی رات بھاری ہے تم پر
بن پدر شب یہ گزرے گی کیوں کر
اب طمانچے ہے قسمت تمہاری
سوجا زانوں پہ سوجا سکینہ
ماں پس شام غم۔۔۔
آگ دامن کی آؤ بجھادو
سوکھے ہونٹوں پہ آنسوں گرادو
پیاس سے ہے غشی تم پہ طاری
سوجا زانوں پہ سوجا سکینہ
ماں پس شام غم۔۔۔
ہوتے عباس تو یہ تھا ممکن
انکے پرچم تلے کاٹتی دن
اب تو ہر شب ہے تیغ دو دھاری
سوجا زانوں پہ سوجا سکینہ
ماں پس شام غم۔۔۔
ریسماں تم کو سونے نہ دیگی
مثل خنجر گلے میں چبھے گی
خون بھی ہوگا کانوں سے جاری
سوجا زانوں پہ سوجا سکینہ
ماں پس شام غم۔۔۔
تم جو سوو گی زانوں پہ میرے
لمس پاؤں گی میں بے زباں کے
میں تو اصغر کے صدمے سے ہاری
سوجا زانوں پہ سوجا سکینہ
ماں پس شام غم۔۔۔
چین پاؤ گی پہلوے جد میں
آج کے بعد سونا لحد میں
آخری ہے یہ خدمت ہماری
سوجا زانوں پہ سوجا سکینہ
ماں پس شام غم۔۔۔
پڑھ سکونگا رضا کیسے نوحہ
یہ تو ریحان کا حوصلہ تھا
نوحہ لب سے قلم کے ہے جاری
سوجا زانوں پہ سوجا سکینہ
ماں پس شام غم۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.