Shaam ke zindan
Noha Lyrics & Urdu Writeup on Bibi Sakina (s.a) recited by Ghadeer Fatima
شام کے زنداں سے یہ آی صدا
دم گھٹا جاتا ہے میرا قید میں
آؤ عمو تم کو میرا واسطہ
دم گھٹا جاتا ہے میرا قید میں
میں کروں کب تک تمہارا انتظار
پیاسی آنکھیں ہر گھڑی ہے اشکبار
لینے آؤ گے مجھے تم کب بھلا
دم گھٹا جاتا ہے۔۔۔
لاکھ اپنے دل کو بہلاتی ہوں میں
پر اندھیروں سے ڈری جاتی ہوں میں
مل رہی ہے مجھکو یہ کیسی سزا
دم گھٹا جاتا ہے۔۔۔
کربلا سے شام تک کا یہ سفر
سختیاں جھیلی ہے میں نے راہ بھر
اور اس پر ظلم یہ زندان کا
دم گھٹا جاتا ہے۔۔۔
زندگی میں ہر گھڑی تھی روشنی
دیکھتے ہی دیکھتے شام آ گیء
اب اندھیروں سے فقط ہے واسطہ
دم گھٹا جاتا ہے۔۔۔
کیا کروں کچھ عقل میں آتا نہیں
کوی دکھیا پر ترس کھاتا نہیں
کب رکے گا ظلم کا یہ سلسلہ
دم گھٹا جاتا ہے۔۔۔
نیل چہرے پر ہے کرتہ خوں سے تر
میں بہت روی ہوں عمو رات بھر
پوچھتا کوئی نہیں ہے کیا ہوا
دم گھٹا جاتا ہے۔۔۔
عمر چھوٹی ہے بہت میں کیا کروں
اور کب تک ظلم سے تنہا لڑوں
ہو نہ ایسا دم نکل جائے میرا
دم گھٹا جاتا ہے۔۔۔
قید خانے میں ہر اک شام و سحر
دل کو تڑپاتی رہی یاد پدر
آج تک ٹوٹا نہیں یہ سلسلہ
دم گھٹا جاتا ہے۔۔۔
جانے کب ہو مجھکو میرا گھر نصیب
میں کھڑی ہوں موت سے اتنا قریب
دیجیےء ڈھارس مجھے آ کر چچا
دم گھٹا جاتا ہے۔۔۔
دل میں جینے کی تمنا ہی نہیں
میری تربت اب بنے شاید یہی
منتظر ہے دل فقط اب موت کا
دم گھٹا جاتا ہے۔۔۔
جب ستم کو سہتے سہتے تھک چکی
قید خانے میں سکینہ مر گیء
وقتِ آخر بھی رضا نوحہ یہ تھا
دم گھٹا جاتا ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.