Sakina ka shaana

زنداں میں جبکہ دختر شبیر مر گیء بازو ہلا کے بانوے ناشاد نے کہا بی بی پدر کے سر سے اٹھاؤ تو سر زرا باتیں ابھی تو کرتی تھی آنسوں بہا بہا ساکت ہے نبض ہاے غضب سرد دست و پا منہ دیکھتے ہی زیست کا نقشہ بدل گیا کس وقت سانس رک گیء کب نکل گیا

ماں سکینہ کا شانہ ہلاتی رہی

موت بچی کو لوری سناتی رہی ماں سکینہ کا شانہ ہلاتی رہی

اب نہ کھولے گی آنکھیں یتیمہ کبھی جانتی ہے سکینہ کو نیند آ گیء پھر بھی تقدیر کو آزماتی رہی ماں سکینہ کا شانہ۔۔۔

بے یقینی کی ہے کیفیت کس قدر سوچتی ہے کہ باقی ہے جان سے مگر زندگی اپنا دامن چھڑاتی رہی ماں سکینہ کا شانہ۔۔۔

پانی لاے کہاں سے وہ اس کے لیےء تشنہ لب ہے سکینہ خبر ہے اسے پیاسے ہونٹوں پہ آنسوں گراتی رہی ماں سکینہ کا شانہ۔۔۔

اپنی گودی میں میت اٹھاے ہوے معجزے کی امیدیں لگاے ہوے سیدہ کی کہانی سناتی رہی ماں سکینہ کا شانہ۔۔۔

رو رہی تھی زمیں رو رہا تھا فلک وقتِ تلقین سے وقت تدفین تک منتیں کر کے اس کو اٹھاتی رہی ماں سکینہ کا شانہ۔۔۔

تھی تکلم وہ غربت کی کیسی گھڑی جب اندھیرے میں بچی کی میت اٹھی قبر ننھی سی زینب بناتی رہی ماں سکینہ کا شانہ۔۔۔