Ruk jao ay sakina
Noha Lyrics & Urdu Writeup on Bibi Sakina (s.a) recited by Sachay Bhai
تم سے بچھڑ کے ماں مشکل بہت ہے جینا
ماں کو بھی ساتھ لے لو رُک جاؤ اے سکینہ
ہر سمت ہے اندھیرا ہر راہ پُر خطر ہے
دُشمن ہے چار جانب دل میں چھُپائے کینہ
رُک جاؤ اے سکینہ ۔۔۔
کھا کھا کہ تم طمانچے گھبرا گئی ہو شاید
تاشام سیکھ جاؤ گی آنسوؤں کو پینا
رُک جاؤ اے سکینہ ۔۔۔
آ جاؤ میں سُلا دوں سر زانووں پہ رکھ کر
زخمی بہت ہے بی بی تیرے پدر کا سینہ
رُک جاؤ اے سکینہ ۔۔۔
عمو کو جانِ مادر اس طرح مت صدا دو
عباس کی جبیں پر آ جائے گا پسینہ
رُک جاؤ اے سکینہ ۔۔۔
رُخ پر لہو جما ہے کانوں سے خون ہے جاری
بیٹا تڑپ اُٹھے گا جان شہِ مدینہ
رُک جاؤ اے سکینہ ۔۔۔
ہیں قید ِ شام کی اب تنہائیاں مقدر
بی بی نصیب میں اب تیرے نہیں مدینہ
رُک جاؤ اے سکینہ ۔۔۔
یہ بے کسی یہ غُربت یہ دشت نینوا کا
ڈوبا کہاں پہ آ کر تقدیر کا سفینہ
رُک جاؤ اے سکینہ ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.