Ro raha hai khud
Noha Lyrics & Urdu Writeup on Bibi Sakina (s.a) recited by Mir Hasan Mir
رو رہا ہے خود اندھیرا شام کے زندان میں
رہ گئی تنہا سکینہ شام کے زندان میں
مر گئی یہ کہتی کہتی بے وطن پردیس میں
کیا نہیں آئیں گے بابا شام کے زندان میں
رو رہا ہے خود اندھیرا۔۔۔
لہجہ ء شبیر میں لوری سنانے کے لیے
خلد سے آتی ہے زہرا شام کے زندان میں
رو رہا ہے خود اندھیرا۔۔۔
بیڑیوں کے شور میں زنجیر کی جھنکار میں
اُٹھ رہا ہے اک جنازہ شام کے زندان میں
رو رہا ہے خود اندھیرا۔۔۔
صاحبِ اولاد جا کر خودہی اندازہ کرے
منہ کو آتا ہے کلیجہ شام کے زندان میں
رو رہا ہے خود اندھیرا۔۔۔
دیکھ کر معصوم کے رُخ پرطمانچوں کے نشاں
موت کو آیا پسینہ شام کے زندان میں
رو رہا ہے خود اندھیرا۔۔۔
اس طرح تقسیم بانو کی کمائی ہوگئی
دشت میں اصغر سکینہ شام کے زندان میں
رو رہا ہے خود اندھیرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.