Fatima Hain Zeenat e Arshe Mualla Aaj Bhi

فاطمہ ہیں زینت عرش معلی آج بھی ہے نگاہ کبریا میں ان کا جلوہ آج بھی حق نے اتنا مرتبہ بخشا ہے تجھ کو فاطمہ ایک عبادت ہے تیری تسبیح پڑھنا آج بھی گفتگو میں تیرے قرآن کا تقدس دیکھ کر یاد آتا ہے محمد کا وہ لہجہ آج بھی چادر تطہیر ہے سر پہ تیرے سایہ فگن لب پہ ہے قرآن کے تیرا قصیدہ آج بھی تیرے شوہر کو ملا قرآن ناطق کا لقب حامل قرآن ہے تیرا گھرانہ آج بھی تیری عصمت کی گرانی احتراما فاطمہ وزن پیغمبر کو کر دیتی ہے ہلکا آج بھی تیرے آگے خود نبوت بھی جھکا دیتی ہے سر قابل تعظیم ہے تیرا سراپا آج بھی کربلا میں تیرے لخت دل نے جو روشن کیے ان چراغوں سے ہے دنیا میں اجالا آج بھی دشمن فاطمہ کب کے جہاں سے مٹ گئے ہو رہا ہے ذکر لیکن فاطمہ کا آج بھی تذکرہ کر کے تیرا تسکین دل کیوں کر نہ ہو ہے تیرے غم میں ہر ایک غم کا مداوا آج بھی اس قدر ظلم و ستم ڈھائے گئے بعد رسول روتی ہے مظلومی زہرا پہ دنیا آج بھی خواب غفلت سے مسلماں کو جگا دے فاطمہ منتظر تعمیر کو ہے تیرا روزہ آج بھی فاطمہ کل بھی تھا محضر تیرا محتاج دعا مجھ کو ہے تیری دعاؤں کا سہارا آج بھی