Manam Fida E Raza

ضامن آہو شاہ خراسان مولا رضا میں ہوں گدائے رضا منم فدائے رضا یقیں کے علم سے حق اور یقین تک پہنچا جہاں ہے پایا ہے حق اس زمین تک پہنچا میرا سفر مجھے لے آیا طوس کی جانب یہ شمع لے چلی شمس الشموس کی جانب نظر جو آۓ رضا منم فدائے رضا رضا کے ملک میں آۓ تو زندگی پائی ملا شعور تو معراج بندگی پائی انہی کے در سے تخیل نے اوج پائی ہے حیات میری یہاں آکے رنگ لائی ہے یہ ہے عطاۓ رضا منم فدائے رضا

رضا نے اپنی امانت بہن کے ہاتھ میں دی علوم دین کی حفاظت بہن کے ہاتھ میں دی یہ حوزہ قم کی نجف کی فضا بناتے ہیں یہ باب علم سے سوغات فکر لاتے ہیں یہ ہے رضاۓ رضا منم فداے رضا

دلوں میں شیعوں کے نازل یہ نور ہوتا ہے یہیں پہ آکے یقین کا شعور ہوتا ہے قصیدہ پڑھتے ہیں آ آکے دعبل و میثم ہے آج بزم میں مہمان مرسل اعظم کرو ثناۓ رضا منم فداے رضا

بہن کے سامنے بھائی کا ذکر کرنا ہے اک عقل کل کی فضیلت میں فکر کرنا ہے دو حوصلہ مجھے اے فاطمہ معصومہ کرم غلام پہ ہو اے جہاں کی مخدومہ ہمیں بلائے رضا منم فداے رضا امام وقت کا تمجید انتظار کرو تم اپنی قصد کو دنیا پہ آشکار کرو زبان وقف ثناۓ بتول ہو جائیں کلام بالغ دین رسول ہو جائیں ملے دعاۓ رضا منم فداے رضا میں ہوں گدائے رضا منم فداے رضا