Pukari roke sakina
Noha Lyrics & Urdu Writeup on Bibi Sakina (s.a) recited by Arshia
پکاری روکے سکینہ بچالو اے عمو
اسیر ہوتے ہیں ہم کو چھڑالو اے عمو
بے گورو رن میں پڑے ہیں شہیدوں کے لاشے
جناں سے ان کے کفن تم منگادو اے عمو
پکاری روکے سکینہ۔۔۔
جلا جو کرتے کا دامن تو رن میں کہتی تھی
نہیں جو بابا تو تم ہی بجھا دو اے عمو
پکاری روکے سکینہ۔۔۔
سروں سے چھینے ردائیں لعینوں نے آکر
پھپھی کے سر پہ ردا اک اڑھاؤ اے عمو
پکاری روکے سکینہ۔۔۔
کیا ہے طوق و سلاسل میں قید عابد کو
ستم سے بھای کو میرے بچالو اے عمو
پکاری روکے سکینہ۔۔۔
یہ پیاس اور قیامت کی دھوپ مارتی ہے
جو ہو سکے زرا پانی پلادو اے عمو
پکاری روکے سکینہ۔۔۔
ہے نیند آنکھوں میں بابا کا سینہ ڈھونڈتی ہوں
کہاں ہے بابا میرے تم بلادو اے عمو
پکاری روکے سکینہ۔۔۔
ہجوم اہلِ ستم اور بے ردا ہے حرم
ردا نہیں تو عماری منگا دو اے عمو
پکاری روکے سکینہ۔۔۔
تمنا رکھتے ہیں زیارت کی جو عرشی و اعجاز
دو اذن دونوں کو کربل بلا لو اے عمو
پکاری روکے سکینہ۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.