Ye Fatima bhi hai Zehra bhi hai

یا راضیہ یا مرضیہ یا طاہرہ یا سیدہ

یہ فخر آمنہ سرمایہ رسول بھی ہے

یہ فاطمہ بھی ہے زہرا بھی ہے بتول بھی ہے

ہر ایک سوال کا بہتر جواب زندہ ہے صداقتوں کا مکمل نصاب زندہ ہے بہار باغ رسالت مع آب زندہ ہے خدا کے بندو خدا کی کتاب زندہ ہے

بیان عظمت خاتون کائنات سنو مباہلے کی زبان سے خدا کی بات سنو

کہا جو بضعتہ منی تو ہو گیا معلوم دل رسول کی صورت ہے فاطمہ معصوم کمال علم سے ایسا بنا دیا مقسوم نصیب ہو گئے امامتوں کے نزول وقار بنت نبی میں نہ کچھ کمی آئے خدا کے گھر میں اسی واسطے علی آئے

علی نے شکر سے مزدوریوں میں دن کاٹے نبی کی بیٹی نے چکی میں خشک جو پیسے علی نے باغوں میں پانی دیا جہاد کیے نبی کی بیٹی نے فاقوں میں بھر دیے سجدے جہاد نفس کا میداں علی کے ہاتھ رہا کمال صبر و رضا فاطمہ کے ساتھ رہا

وہ ایک چھوٹا سا گھر پوری کائنات کا دل وہ ایک حجرہ امامت کے نور کی منزل وہ بام و در جنہیں سجدہ کرے مہ کامل وہ ایک نخل کے سائے میں خلد کی محفل ادب کے ساتھ بلندی کا ہر نشان جھکے جہاں کنیز کے رعب پہ آسماں جھکے

بنام فاطمہ امت کی بیٹیاں جاگیں نگاہ عقل سے رفتار زندگی دیکھیں برائے غیرت دل اپنے آپ سے پوچھیں کسے ملے گی جگہ فاطمہ کی محفل میں خدا کرے وہ تماشائے روزگار نہ ہو رسول پاک کی بیٹی سے شرمسار نہ ہو

دھواں تنور سے اٹھا تو سائلوں کے لیے خمیر ہو گیا آٹا مسافروں کے لیے سکون قلب کا ساماں بیکسوں کے لیے غذائے صبر و رضا اپنے کمسنوں کے لیے اسی مقام پہ خیر العمل کے جلوے ہیں یہی وہ گھر ہے جہاں انقلاب پلتے ہیں

علی کے چہرہ اقدس پہ انبیا کا جلال وجود فاطمہ زہرا پہ مصطفی کا جمال علی کے دم سے جہاں میں تجلیوں کے نہال متاع فاطمہ زہرا حسن حسین سے لال علی نے مسجد کوفہ میں زخم کھایا ہے زمانے والوں نے زہرا کو بھی رلایا ہے