Resalat Fatima Ki Hai

رسالت فاطمہ کی ہے امامت فاطمہ کی ہے جسے کہتے ہیں سب جنت وہ جنت فاطمہ کی ہے رسول اللہ کی تعظیم کرتا ہے جہاں سارا مگر ان کی نگاہوں میں بھی عزت فاطمہ کی ہے یہ سن لے دشمن حیدر ٹھکانہ تیرا دوزخ ہے تجھے ہے آرزو جس کی وہ جنت فاطمہ کی ہے یقینا ذرہ ذرہ ہے خدا کے حکم کا پابند مگر دونوں جہاں میں بس حکومت فاطمہ کی ہے میرے اشک عزا کی تم کو قیمت کیا بتاؤں میں میری آنکھوں میں ہے لیکن وہ دولت فاطمہ کی ہے عبادت سے کبھی معبود کے پیچھے نہیں ہٹنا ذرا سی بھی اگر دل میں محبت فاطمہ کی ہے لٹیروں سے فدک کے آج بھی مولائی کہتے ہیں وہ دولت فاطمہ کی تھی وہ دولت فاطمہ کی ہے امانت میں سے ایک منبر بھی زہرا کی امانت ہے وہی بس بیٹھے گا جس کو اجازت فاطمہ کی ہے نبی قرآن ناطق ہیں تبھی تو کہہ رہا ہوں میں کلام پاک کے ہونٹوں پہ مدحت فاطمہ کی ہے زباں سے کہہ دیا کہ ہم ہیں مولائی تو کیا ہوگا اسی سیرت کو اپناؤ جو سیرت فاطمہ کی ہے کہاں آل علی ہے اور کہاں منبر یہ مولا کا شرف یہ مل گیا مجھ کو عنایت فاطمہ کی ہے