Pehchano mujhe

‎آخری رات سکینہ کا عجب عالم تھا ‎قید خانے میں تڑپتی رہی بےکس تنہا ‎سرِ شبیر کو آغوش میں لے کر اپنی ‎زخمی ہونٹوں پہ یتیمہ کے یہی نوحہ تھا

بابا پہچانو مجھے بابا میں تیری سکینہ ہوں تیرے غم نے مجھے کر دیا ہے بابا ضعیفہ

‎میری پوشاک لہو سے ہے بھری اے بابا ‎بڑھ گئی اور مری تشنہ لبی اے بابا ‎خود بتائیں گے مرے پاؤں کے چھالے تم کو ‎آج بھی دھوپ رہتی ہوں کھڑی اے بابا ‎جس دن سے اٹھاآپ کا سر سے میرے سایہ بابا بابا پہچانو مجھے بابا بابا بابا میں تیری سکینہ ہوں۔۔۔

آپ کے بعد عجب حال ہوا ہے میرا یہ بدن پھول سا زخموں سے بھرا ہے میرا پہلا پرسہ ہی طمانچوں کا ملا ہے مجھ کو شام والوں نے خیال ایسے رکھا ہے میرا پتھر کبھی شعلے کبھی نیزہ کبھی درہ بابا بابا پہچانو مجھے بابا بابا بابا میں تیری سکینہ ہوں۔۔۔

آپ کا قرض سکینہ نے اتارا بابا ظالموں نے مجھے ہر موڑ پہ مارا بابا کیسے سمجھاؤں سمجھ لو یہ اشارہ بابا لے کے دیوار کا چلتی ہوں سہارا بابا بابا مجھے آنکھوں سے نظر ہی نہیں آتا بابا بابا پہچانو مجھے بابا بابا بابا میں تیری سکینہ ہوں۔۔۔

خاک سے اپنی یتیمہ کو اٹھا لو جلدی شمر آجائے گا گودی میں چھپا لو جلدی آپ تو چاہنے والوں کو بُلا لیتے ہو دور ہوں کب سے مجھے پاس بلا لو جلدی بن آپ کے اچھی نہیں لگتی مجھے دنیا بابا بابا پہچانو مجھے بابا بابا بابا میں تیری سکینہ ہوں۔۔۔

اک نظر غور سے غازی کی بھتیجی دیکھو گر کے ناقے سے کمر جھک گئی میری دیکھو آنکھیں کھولو ذرا بچی کی ضعیفی دیکھو میرے بالوں میں اتر آئی سفیدی دیکھو لگتا ہے ضعیفہ ہوں میں اماں سے زیادہ بابا بابا پہچانو مجھے بابا بابا بابا میں تیری سکینہ ہوں۔۔۔

میری اماں نے مدینے میں سنایا تھا مجھے حال حضرت کی محبت کا بتایا تھا مجھے آخری ہے یہ گذارش مری تم سے بابا جیسے دنیا میں دعاوں سے بُلایا تھا مجھے ویسے ہی دعا دو کہ میں اب چھوڑ دوں دنیا بابا بابا پہچانو مجھے بابا بابا بابا میں تیری سکینہ ہوں۔۔۔

قید خانے میں تکلم ہے ابھی تک دکھیا آج تک باپ پہ کرتی ہے مسلسل گریہ ہائے تقدیر رہائی نہیں پائی اس نے آج تک بالی سکینہ کا رسن میں ہے گلا وہ قبر میں پڑھتی ہے یہی آج بھی نوحہ بابا بابا پہچانو مجھے بابا بابا بابا میں تیری سکینہ ہوں۔۔۔