QAYAAL E QAALIQ E AKBAR

خیال خالق اکبر کا ہم خیال حسین جسے زوال نہیں ہے وہ لا زوال حسین بشر کے روپ میں اللہ کی مثال حسین دل رسول کی دھڑکن علی کا لال حسین حسین جیسے کسی کے بھی والدین نہیں بہت حسین ہے یوسف مگر حسین نہیں سمندروں نے کیا جس کی نوکری کو سلام نماز کرتی رہی جس کی بندگی کو سلام کیا ہے موت نے خود جس کی زندگی کو سلام زمانہ کرتا ہے اب تک اسی جری کو سلام حیات موت کے سائل کو بانٹ دیتا ہے حسین تیغ کو شہ رگ سے کاٹ دیتا ہے یہ کائنات ریاست رئیس ہے شبیر دبیر عشق خدا کا انیس ہے شبیر نفس نفس کی صدا ہے نفیس ہے شبیر قسم حبیب کی قسمت نویس ہے شبیر خدا کے لہجے میں اکثر کلام کرتے ہیں حسین حر کو علیہ السلام کرتے ہیں حسین صبر ہے ایثار ہے محبت ہے حسین عشق کے مضمون کی عبارت ہے حسین رحمت اللعالمین پہ رحمت ہے حسین کوئی فسانہ نہیں حقیقت ہے جہاں میں اب بھی شہ مشرقین باقی ہے یزید مٹ گیا نام حسین باقی ہے دیا بجھا کے جو روشن کرے ضمیر بشر جو کائنات میں رکھتا ہے خورشناس نظر جو چشم غیظ سے کر دے جہاں کو زیر و زبر حسین ذاکر معبود ہے تہ خنجر کمال عزم محمد دکھا دیا جس نے صغیر بیٹے کو غازی بنا دیا جس نے کہیں تبسم اصغر کہیں حسن ہے حسین کہیں پہ غازی کہیں عکس پنجتن ہے حسین کہیں اکیلا کہیں خود میں انجمن ہے حسین مثال حیدر کرار صف شکن ہے حسین ہر اک محاذ پہ غالب دکھائی دیتا ہے حسین تو ابو طالب دکھائی دیتا ہے حسین خالق خاک شفا مسیحا بھی حسین فیض کا دریا ہے اور پیاسا بھی حسین مظہر رب ہے خدا کا بندہ بھی حسین لاکھوں پہ بھاری رہا اکیلا بھی حسین نے ابو طالب کی جانشینی کی طرح الٹ کے رکھ دیا میدان آستین کی طرح غریب ایسا کہ غربت نثار ہو جس پر شہید ایسا شہادت نثار ہو جس پر ذہین ایسا ذہانت نثار ہو جس پر امام ایسا امامت نثار ہو جس پر نظام دین و شریعت کی لاج رکھتا ہے حسین اب بھی خدا کا مزاج رکھتا ہے انا پرست غریبوں کا چارہ ساز حسین وقار آل محمد نبی کا ناز حسین قسم خدا کی خدا ہونے کا جواب حسین کہو یہ میر تکلم میری نماز حسین نبی سے پوچھ لو کیا مرتبہ حسین کا ہے یہ کائنات خدا کی خدا حسین کا ہے