Mai Abu Talib hu

میں ابو طالب ہوں

میں ہوں عمران لقب میرا ابو طالب ہے اور نسب میرا علی غالب الغالب ہے جس میں ڈھلتی ہے ولایت وہ میرا قالب ہے جو ہے مطلوب زمانہ وہ میرا طالب ہے کیا ہے مقصد میرا مقصود سمجھ سکتا ہے میں وہ حامد ہوں جسے محمود سمجھ سکتا ہے

منکشف دیکھے ہیں توحید کے منظر میں نے جسم میں ڈھلتے ہوئے دیکھے پیمبر میں نے خود کو پوشیدہ رکھا کعبے کے اندر میں نے گود میں پالے ہیں انوار کے پالے میں نے اپنی ہی ذات میں عالم انوار ہوں میں جو ہے عالم کا خدا اس کا مددگار ہوں میں

میں نے ہر کام کیا ذات احد کی خاطر وقف سانسیں رب صمد کی خاطر سورہ فیل بنی ہے میرے جد کی خاطر بات کافی ہے یہ رتبے کی سند کی خاطر کب سمجھ پایا یہ زمانہ میرے الہاموں کو اپنا کہتا ہے خود اللہ میرے کاموں کو

واقف عظمت توحید و رسالت میں ہوں اتری قرآن سے پہلے وہ آیت میں ہوں ہادی وقت ہوں خلائق کی ہدایت میں ہوں کثرت کفر میں بس مرکز وحدت میں ہوں میری ہر حد وہ سرحد سے ملا دیتا ہے میری باتوں کو وہ آیات بنا دیتا ہے

مصرف خالق باری کا میں جزدان بھی ہوں خانہ رب جلی کا میں نگہبان بھی ہوں کل ایمان کے لیے حاصل ایمان بھی ہوں ایک پیکر میں علی بھی ہوں میں عمران بھی ہوں