Bichana Chod de
Manqabat Lyrics & Urdu Writeup on Azadari recited by Mir Hasan Mir
چھوڑ دیں
ہم بھلا کس طرح کربلا چھوڑ دیں چھوڑ دیں
ہم اگر فرش عزا گھر گھر بچھانا چھوڑ دیں
آسماں والے زمیں پر آنا جانا چھوڑ دیں
ہم اگر فرش عزا گھر گھر
اے زمیں تجھ میں نہ ہو گر سر زمین کربلا
چاند اور سورج تیرے چکر لگانا چھوڑ دیں
ہم اگر
نشر ہو جائیں جو سب تیرے فضائل کربلا
رب کعبہ کی قسم سب حج پہ جانا چھوڑ دیں
ہم اگر
پنجتن نے خود پڑھی ہے جب تو پھر اے دوستو
کس طرح سے ہم نماز پنجگانہ چھوڑ دیں
ہم اگر
اصغر معصوم کے لب پر تبسم آ گیا
پھول کلیوں سے کہو اب مسکرانا چھوڑ دیں
ہم اگر
شیخ جی اہل ولا کو نا سمجھ سمجھا ہے کیا
تیرے کہنے پر ولایت کا خزانہ چھوڑ دیں
ہم اگر
وقت رک جائے گا تھم جائے گا سورج کا سفر
فاطمہ زہرا اگر چکی چلانا چھوڑ دیں
ہم اگر
شوق سے پی لیں نصیری حب حیدر کی شراب
بس گزارش ہے کہ پی کر لڑکھڑانا چھوڑ دیں
ہم اگر
ماتم شبیر میں اٹھتے نہیں ہیں جو کبھی
ہاتھ اکبر ایسے لوگوں سے ملانا چھوڑ دیں
ہم اگر فرش عزا گھر گھر بچھانا چھوڑ دیں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.