Duniya mein haider dusra

ڈھونڈنے نکلے تھے جو دنیا میں حیدر دوسرا مل نہیں پایا انہیں اب تک قلندر دوسرا ہے کہاں جبریل جو رضوان لایا ہے لباس کیا علی نے رکھ لیا ہے گھر میں نوکر دوسرا ہم تمہیں دکھلائیں گے یوسف علی کی آل میں تم نہ دکھلا پاؤ گے نبیوں میں اکبر دوسرا جب نبی کہتے تھے خیبر میں لڑے جا کر کوئی دیکھتا تھا ایک کو فورا پلٹ کر دوسرا اس کو مارا ہے علی نے یہ علی کا کام ہے دیکھ لو ہے پہلے حصے کے برابر دوسرا تیغوں کے سائے میں سونا بس علی کا کام ہے بھاگ ہی جاتا اگر ہوتا وہاں پر دوسرا عام دروازے سے جائیں کیوں خواص کبریا ہوگا کعبے میں علی کے واسطے در دوسرا لے تو آئے ہیں سقیفہ والے رہبر دوسرا لائیں گے لیکن کہاں سے خم کا منبر دوسرا کہہ رہی ہیں یہ ادائیں اصغر بے شیر کی چاہیے ان مٹھیوں کو باب خیبر دوسرا