Saqiye Kausar ki Sana

صاحب ذوالفقار المددین

کام مشکل ہے تو امداد خدا کردوں گا آج میں عشق کا طوفان بپا کردوں گا کرنے دو مجھے ساقی کوثر کی ثنا

راز اللہ کی توحید ہے ہمراز علی کبریائی کی دلیلوں کا ہے آغاز علی دل میں دل سے جو نکلی ہے وہ آواز علی آسماں ساز زمیں ساز بشر ساز علی کرے تخلیق بہ تائید احد کرتا ہے یہ وہ بندہ ہے جو خالق کی مدد کرتا ہے

کرنے دو مجھے ساقی کوثر کی ثنا

منبر عالم امکاں کا خطیب اعظم بولتا تھا تو ٹھہر جاتے تھے لمحوں کے قدم میرا اس بات پہ ایمان ہے قرآن کی قسم لڑکھڑاتا نہ جو کم ظرف نصیری اس دم اپنے حب داروں کو نبیوں سے بڑھا دیتے علی ایک ایک شخص کو سلمان بنا دیتے علی

کرنے دو مجھے ساقی کوثر کی ثنا

وحی جبریل بھی لاتے تھے یہ ایمان ہے میرا اس روش پر بھی ذرا سوچئے اے اہل ولا آگے سدرہ کے فرشتہ یہ نہیں جا سکتا پھر یہ قرآن بھلا کس کی بدولت پہنچا لفظ اللہ مولا میرے بن جاتے تھے جو علی کہتے تھے جبریل وہی لاتے تھے

کرنے دو مجھے ساقی کوثر کی ثنا

جس کی مرضی ہے مقدر وہ سکندر ہے علی جس سے صادر ہوئے معصوم وہ مظہر ہے علی جس کا محکوم ہے کوثر وہ سمندر ہے علی جو ہے توحید کا اظہار وہ مظہر ہے علی جو بھی پردہ شب معراج کا سرکے گا اس کو اللہ نہیں حیدر ہی نظر آئے گا

کرنے دو مجھے ساقی کوثر کی ثنا

اے عزادارو ہمیں پھر سے سنبھلنا ہوگا اپنے کردار سے ماحول بدلنا ہوگا توڑ کر وقت کی زنجیر نکلنا ہوگا راہ سلمان پہ ایمان سے چلنا ہوگا ہم محبوں پہ جو وا ظلم کا دروازہ ہے یہ علی کو نہ سمجھنے کا ہی خمیازہ ہے

کرنے دو مجھے ساقی کوثر کی ثنا

مدح حیدر میں تکلم یہ تقیہ کیسا مصلحت کیسی انا کیسی بہانہ کیسا اور وقت کے ساتھ عقیدے کو بدلنا کیسا موت آنی ہے تو پھر موت سے خطرہ کیسا بند یہ عشق کا دروازہ نہیں کر سکتا میں علی پر کوئی سمجھوتہ نہیں کر سکتا

کرنے دو مجھے ساقی کوثر کی ثنا