Tabarrukat e husaini ka ehteraam karo

حسینیو

زمانے والو ادب سے انہیں سلام کرو تبرکات حسینی کا احترام کرو

یہ ذوالجناح یہ تابوت یہ شبیہ علم امانتیں ہیں یہ زینب کی سب خدا کی قسم انہیں سنبھال کے رکھو نہ ہونے دو برہم وگرنہ مہدی دوراں کو کیا بتائیں گے ہم بہت ہی جلد وہ پردہ اٹھانے والا ہے امانتیں ہیں یہ جس کی وہ آنے والا ہے

تبرکات حسینی کا احترام کرو

جو ہم جلوس میں تابوت لے کے آتے ہیں زمانے والو کو شبیریت سکھاتے ہیں بنی اسد کے قبیلے کی حد بڑھاتے ہیں شہید امام کا تابوت یوں اٹھاتے ہیں جسے مرض ہے عقیدے کا ٹھیک ہو جائے جو کربلا میں نہیں تھا شریک ہو جائے

تبرکات حسینی کا احترام کرو

جو کہہ رہے ہیں تبرک گھٹا دیا جائے انہیں ہمارا عقیدہ سنا دیا جائے جو ہے وہ نام پہ شہ کے لٹا دیا جائے سمجھ نہ آئے تو یہ مشورہ دیا جائے جو بے جواز ہیں ان خواہشوں کو کم کر دو نیاز کو نہیں آسائشوں کو کم کر دو

تبرکات حسینی کا احترام کرو

سند ہے ناقہ صالح کا معتبر ہونا اگر نصیب ہو حجت کا ہمسفر ہونا شرف کو کم نہیں کرتا ہے جانور ہونا سو ذوالجناح سے منکر یہ سوچ کر ہونا ہر ایک لحاظ سے تعظیم کے یہ قابل ہے کہ اس کا خون بھی خاک شفا میں شامل ہے

تبرکات حسینی کا احترام کرو

حسینیت کی نظر میں حسینیت علم نبی کے ہاتھ سے آیا ہاتھ و ہاتھ علم ہے نصب چودہ صدی سے لب فرات علم اور اب امام جو لائیں گے اپنے ساتھ علم مقصروں کا کلیجہ جلایا جائے گا جب اس کو کعبے کی چھت پر سجایا جائے گا

تبرکات حسینی کا احترام کرو

ہر ایک غم کا مداوا صغیر کا جھولہ حیات بانٹنے والا صغیر کا جھولہ کچھ اس لیے بھی ہے اعلی صغیر کا جھولہ کہ ہے حسین کا جھولہ صغیر کا جھولہ کیا نہ رد کبھی کوئی سوالی جھولے نے ہزاروں جھولیاں بھر دیں ہیں خالی جھولے نے

تبرکات حسینی کا احترام کرو

جہاں جہاں بھی عزائے حسین چلتی گئی وہاں وہاں کی ثقافت میں خود بھی ڈھلتی گئی کسی نے کربلا منظر کشی سے زندہ رکھی کسی نے دیپ عزاء کی کہیں سجی مہندی قبیلے عشق کے منزل کی سمت چلتے رہے حسین ایک رہا قافلے بدلتے رہے

تبرکات حسینی کا احترام کرو

تکلم اتنا ہے عالی مقام فرش عزا ہے جانماز عزائے امام فرش عزا علی کی بیٹی کا ہے انتقام فرش عزا کیا ہے تو نے رسولوں کا کام فرش عزا یزیدیت میں زمانے سمٹ گئے ہوتے نہ بچھتا تو تو مصلے لپٹ گئے ہوتے

سنا مقام شعائر تو یہ بھی بات سنو سمجھ کے رسم فقط ان کو مت سجایا کرو تبرکات اٹھاؤ مگر وضو کر لو حلال مال ہی ان پر لگے دھیان رکھو ہر ایک بات کا دیکھو حساب دینا ہے ہمیں حسین کی ماں کو جواب دینا ہے

تبرکات حسینی کا احترام کرو