Apko Maula Qasam Hay

منتظر کب سے ہوں پر کھلتی نہیں قسمت میری زندگی میں ہے یہی خواہش میری سب سے بڑی زائرُوں کے ساتھ لکھ دیں اب کے میرا نام بھی آپ کو مولا قسم ہے آپ کے عباسؑ کی موت سے پہلے ہو میری کربلا میں حاضری آپ کو مولا قسم ہے آپ کے عباسؑ کی

واسطہ جابر کا مولا پہلا زائر جو بنا  پابرہنہ سربرہنہ  قبر سرور تک گیا میں بھی اس طرح سے آؤں کربلا کرکے مشی

رنج و غم سے اور مشکل سے نکالیں یا امام اپنے در پر اپنے نوکر کو بلائیں یا امامؑ  کربلا سے دور رہ کر بھی کوئی ہے زندگی

خاک اوڑھے جس طرح آتے ہیں زائر سر بہ سر میں بھی یوں مٹی ملے آؤں وہاں رخسار پر خاک میں مل جاؤں ایسے ڈھونڈ نہ پائے کوئی

جس جگہ اکبر کے سینے پر لگا برچھی کا پھل اس جگہ ماتم ہو یوں سینے سے خون آئے نکل ساتھ میں ماتم کرے سینے کے اندر سانس بھی

جس جگہ پر خون دل کو مشک پر وارا گیا جس جگہ غازی کے سر گرز تھا مارا گیا اس جگہ مجھکو اجازت چاہیے تطہیر کی

جس جگہ خیمے جلے اور شور تھا فریاد کا جس جگہ بستر جلا تھا سید سجادؑ کا آگ کا ماتم وہاں کرنے کی خواہش ہے میری

زائرُوں کے شاہ کے میں نام یوں لکھوں گا بے کفن کے دیس سے اپنا کفن میں لاؤں گا ہے یقین مجھ کو بڑھے گی اور میری زندگی

ہے محمد شاہ اور سقلین کی یہ التجا بار بار آقا ہمیں بلوائیے کرب و بلا یہ زیارت بن نہیں جائے  زیارت آخری