Mazloom meri bachi
Noha Lyrics & Urdu Writeup on Bibi Sakina (s.a) recited by Hadi Ali Khan Muslim
مظلوم میری بچی کیسے ہو دفن تیرا
کہتی تھی روکے بانو دل مضطرب ہے میرا
کس بیکسی میں تیرا لاشہ پڑا ہوا ہے
نیلے ہیں گال اب تک کرتہ لہو بھرا ہے
عباس آ کے دیکھو کیا حال ہو گیا ہے
تیری مصیبتوں پر ٹکڑے جگر ہے میرا
مظلوم میری بچی۔۔۔
پردیس میں یہ کیسی افتاد کی گھڑی ہے
سینے پہ سونے والی اب خاک پر پڑی ہے
خاموش ہے سکینہ ماں دیکھتی کھڑی ہے
کچھ اور بڑھ گیا ہے زندان کا اندھیرا
مظلوم میری بچی۔۔۔
چاروں طرف اداسی اس غم کی چھا رہی ہے
غربت تیری سکینہ سب کو رلا رہی ہے
بیکس یتیم بچی دنیا سے جا رہی ہے
اس شام غم کا یا رب ہو گا کبھی سویرا
مظلوم میری بچی۔۔۔
تیری مصیبتوں کا پر درد یہ سماں ہے
زخمی ہے پشت تیری کانوں سے خوں رواں ہے
گردن پہ ریسماں کا ابھرا ہوا نشاں ہے
بیمار ہے برادر ہر سمت ہے اندھیرا
مظلوم میری بچی۔۔۔
عابد تڑپ رہے ہیں رخصت ہوی سکینہ
اس غم سے اب مجاہد اک حشر سا ہے برپا
ماتم سے گونجتا ہے تاریک قید خانہ
بانو یہ کہہ رہی ہے حافظ خدا ہے تیرا
مظلوم میری بچی۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.