Itni bhar jaye in aankho'n mein ziyaye abbas

اتنی بھر جائے ان آنکھوں میں ضیائے عباس مجھ کو کوئی نہ نظر آئے سوائے عباس میرے الفاظ میں کیوں ہو نہ روانی کا کمال میں نے دریاؤں سے سیکھی ہے ثنائے عباس کربلا ایک ہی مصرعے میں سنا سکتا ہوں عزم زینب، دل شبیر، وفائے عباس میرے اشعار بھلا خلد میں مقبول نہ ہوں اتنی کمزور نہیں ہوتی ثنائے عباس میں نے اس حسن شباہت پہ بہت غور کیا سوچتا ہوں کہ علی لکھ دوں بجائے عباس آخری سانس جو توبہ کے لیے ہوتی ہے میں نے وہ سانس بھی رکھ لی ہے برائے عباس یوں کرو نام سکینہ ذرا لے کر دیکھو غیر ممکن ہے بلانے پہ نہ آئے عباس ذات کو چھوڑ کے رکھ مرضی مولا پہ نظر ہاں مصدق یہی ہوتی ہے ولائے عباس