Logo mai sakina hu

لوگو میں سکینہ ہوں سکینہ ہوں سکینہ

شبیر کی دختر ہوں میں پوتی ہوں علی کی جس رخ سے بھی دیکھو ہوں میں تصویر جلی کی اس طرح پلی ہوں میں نگاہوں میں ولی کی جس طرح سے تقدیر ہو گلشن میں کلی کی حیدر کی انگوٹھی کا نگینہ ہوں نگینہ

سکینہ ہوں سکینہ

سب ہیچ ہیں عرفان کے موضوع میرے آگے پھیلائے ہیں اسلام نے بازو میرے آگے کیا بیچتی ہے خلد کی خوشبو میرے آگے عباس بھی خم کرتے ہیں زانو میرے آگے بستر ہے میرا حضرت شبیر کا سینہ

سکینہ ہوں سکینہ

کمسن ہوں میں دکھنے میں پر آدم سے بڑی ہوں آدم بھی بھلا کیا ہے دو عالم سے بڑی ہوں تم سمجھو تو میں سورہ مریم سے بڑی ہوں جس دم میں تھا دم شہ کا میں اس دم سے بڑی ہوں اصغر کا مقدر میرے ماتھے کا پسینہ

سکینہ ہوں سکینہ

ٹھوکر سے مقدر کا مقدر میں جگا دوں حوریں بھی ترستی ہیں میں قدموں میں جگہ دوں شاعر ابو طالب کا جسے چاہوں بنا دوں مصروف عزا جو ہیں انہیں کیوں نہ دعا دوں قرآن میری مدح کرے زینہ بہ زینہ

سکینہ ہوں سکینہ

یزداں کے لب ہوں تو بیاں ہو یہ فسانہ مسجود ملائک ہے میرا پاک گھرانہ میں ہی تو ہوں وحدت کا وہ مستور خزانہ عاجز ہے سمجھنے سے جسے سارا زمانہ سب زیر اثر میرے نجف ہو یا مدینہ

سکینہ ہوں سکینہ

الفاظ مناجات بھی مقروض ہیں میرے کونین کے حالات بھی مقروض ہیں میرے یہ ارض و سماوات بھی مقروض ہیں میرے حد یہ ہے کہ سادات بھی مقروض ہوئے میرے میری نہ اجازت ہو تو دشوار ہے جینا

سکینہ ہوں سکینہ

جس دن میں بنی زینت دست شہ والا بابا نے بھی ایک لمحے کو دل اپنا سنبھالا مڑ کر کہا اکبر سے جا زینب کو بلا لا تھا ورد زباں بی بی کے یا رب الاعلی مل کر رکھا پھر سب نے میرا نام سکینہ

سکینہ ہوں سکینہ

ہرگز نہ سمجھنا میں کوئی فرش نشیں ہوں یہ بھی نہ سمجھنا کہ کوئی عرش نشیں ہوں افکار امامت کی ازل سے میں امیں ہوں جس گھر میں پلی فاطمہ اس گھر کی مکیں ہوں نابینا چلا آئے اسے کر دوں میں بینا

سکینہ ہوں سکینہ لوگو میں سکینہ ہوں سکینہ ہوں سکینہ