Mai hu paani suno meri kahani

میں ہی تسکین لب تشنہ دہن ہوتا ہوں کبھی دریا کبھی آنکھوں سے روا ہوتا ہوں ہیں لب اصغر بے شیر کا احسان مجھ پر ہو جہاں مجلس شبیر وہاں ہوتا ہوں میں ہوں پانی سنو میری کہانی

زندگی جس سے روا ہے وہ روانی میں ہوں پیاس کو جس سے ہے نسبت وہ کہانی میں ہوں بے طلب ہوں طلب تشنہ دہانی میں ہوں جب یہ آبادی نہ تھی تب سے ہی آباد ہوں میں خود ہے قرآن گواہ دنیا کی بنیاد ہوں میں میں ہوں پانی

رہی ہر دور میں معصوموں سے نسبت مجھ کو کر نہ پایا کوئی پابند شریعت مجھ کو پاک ہوں اور طہارت سے ہے الفت مجھ کو خود صدا دیتی رہی پیاس نے فطرت مجھ کو درد دل کے لیے تسکین کا مرہم بن کر پائے معصوم سے نکلا ہوں میں زم زم بن کر میں ہوں پانی

میرے قصے ہیں بہت میری کہانی ہے بہت برسر روئے زمیں میری نشانی ہے بہت خطہ خشک ہے کم دہر میں پانی ہے بہت رب اکبر نے بڑا مرتبہ بخشا ہے مجھے سیدہ کے جو حق مہر میں رکھا ہے مجھے میں ہوں پانی

میں وضو بن کے نمازوں کی ادا تک پہنچا بن کے زم زم کبھی کعبے کی فضا تک پہنچا میں تھا پاکیزہ سو میں راہ ولا تک پہنچا یہی نسبت تھی جو میں کربوبلا تک پہنچا دو محرم کو تو الگ تھے ہی نظارے میرے اترے آفاق کے مالک جو کنارے میرے میں ہوں پانی

روز عاشور میں ایک اور ہی دنیا میں رہا اشک بن کر نگاہ سیدہ زہرا میں رہا روشنی بن کے کہیں دیدہ بینا میں رہا اوج کوسین ملا مشک سکینہ میں رہا سر میدان وغا معجزہ دکھلاتا رہا حکم شہ ہوتا تو خیموں میں چلا آتا میں میں ہوں پانی

روبرو تھا میرا بے مثل و مثال چہرہ چہرہ حضرت عباس وہ عالی چہرہ ہاشمی چاند کا چہرہ تھا جمالی چہرہ میں نے دیکھا تھا جو غازی کا جلالی چہرہ خوف تب سے ہی میرے دل سے جدا رہتا ہے بس اسی دن سے میرا رنگ اڑا رہتا ہے میں ہوں پانی

آیا جب ثانی کرار کنارے میرے اوج پر پہنچے مقدر کے ستارے میرے مشک میں جانے کو بیتاب تھے دھارے میرے صدقے خود پیاس نے آ آ کے اتارے میرے روز عاشور یہ عظمت بھی ملی ہے مجھ کو دست عباس پہ معراج ہوئی ہے مجھ کو میں ہوں پانی

لوگ اب مجلس شبیر میں لاتے ہیں مجھے صدقہ شبیر کا پیاسوں کو پلاتے ہیں مجھے ماتمی شاہ کے آنکھوں سے لگاتے ہیں مجھے جب عزادار سبیلوں میں سجاتے ہیں مجھے زخم جاں سارے ہی سینے کے لیے آتے ہیں انبیا بھی مجھے پینے کے لیے آتے ہیں میں ہوں پانی

یوں مجھے صاحب ذیشان کیا پیاسوں نے دل مومن کا ایک ارمان کیا پیاسوں نے ذات پر میری ہی احسان کیا پیاسوں نے اپنی مجلس کا مہمان کیا پیاسوں نے مجھ میں تاثیر در کربوبلا ملتی ہے مجھ کو پی لے تو فرشتوں کو شفا ملتی ہے میں ہوں پانی

کیا ہے عظمت میری اے دنیا ذرا کر انصاف دھو کے کر دیتا ہوں ہر داغ ندامت کو صاف ایک عجب کام یہ کرتا ہوں میں فطرت کے خلاف تربت حضرت عباس کا کرتا ہوں طواف مجھے یوں سایہ ہے غازی کی علمداری کا لازمی حصہ ہوں میں آج عزاداری کا میں ہوں پانی

دل میں ایک نور کے دیدار کی حسرت لے کر ہوں روا نور علی میں یہ طہارت لے کر دیکھ فرحان شرف لے کے شرافت لے کر میں ہی چلتا ہوں عریضوں کی امانت لے کر رشک کیوں کر نہ کرے اوج ثریا مجھ پر بارہواں آ کے بچھائے گا مصلی مجھ پر میں ہوں پانی