Janazay baap day dhiyan Ali diyan ro wain paandian
Noha Lyrics & Urdu Writeup on Imam Ali (a.s) recited by Khan Tasadduq Khan
جنازے باپ دے دھیاں علی دیاں، رو وین کردیاں
اسی اجڑ جانا تیرے باجوں، گھر زہرا دا، ویراں ہونا، دکھیاریاں ہاواں بھردیاں
توں میٹ لئیاں نے اکھیاں، سانوں چھڈ کے دیس پرائے،
امڑی دی موت دے باجوں، اے کنج دے ویلے آئے،
کربل توں پہلاں بابا، دھیاں لاش تیری تے رو رو کے، پئیاں انا للہ پڑھدیاں
شالا عید توں پہلاں اجڑن، نہ جگ تے پیکے ویڑے،
زہرا جائیاں منہ پٹ کے، آ بیٹھیاں لاش دے نیڑے،
اک دوجی نوں گل لاون، بابے دے سر دیاں زخماں نوں، تک تک کے جاون مردیاں
غازی دیاں باواں چم کے، آکھن آ سینے لا لے،
بابے دیاں شکلاں والیا، بہناں دے درد ونڈالے،
سانوں دس ساڈے سر دا راکھا، مستوراں باجھ رداواں دے، کنڈیاں تے کیویں ٹردیاں
حسنین دی اکھ دے، اتھرو روندے نے خاک تے آ کے،
ابن ملجم کی ملیا، دس ظالما ظلم کما کے،
تیری ضرب توں زہرا جائیاں، بابے دی پاک شہادت دے، پردیس چ صدمے جھردیاں
پیاسے قاتل نوں شربت جدوں ثمر عطا سی ہویا،
دھیاں دیاں روندیاں اکھیاں، وچ اے وین بپا سی ہویا،
جنے ساواں تیریاں کھوئیاں، اونوں شربت کنج پلانا اے،
بابے دیاں منتاں کردیاں
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.