Paidal Najaf Se Karbobala Karwan Chale
Noha Lyrics & Urdu Writeup on Arbaeen recited by Atir Haider
لبیک یا حسین
لبیک یا مہدی
لبیک یا حسین
لبیک یا مہدی
اَلسَّلامُ عَلى الْحُسَيْنِ الْمَظْلُومِ الشَّهيدِ
اَلسَّلامُ على اَسيرِ الْكُرُباتِ وَقَتيلِ الْعَبَراتِ
چہلم یہ کربلا کے بہّتّر کا آج ہے
اہلِ حرم کے قرب کا گریہ علاج ہے
زینب کی سسکیاں نہیں یہ احتجاج ہے
جابر حرم کے ساتھ ہی نوحہ کناں چلے
حُبّ الحُسین یجمعنا
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
ہرہر قدم پہ خوفِ قضاء ہے تو کیا ہوا
کارِ زمانہ بند ہوا ہے تو کیا ہوا
پھیلی ہوئی جہاں میں وباء ہے تو کیا ہوا
حلالِ مشکلات شہِ انس و جاں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
ایثار، حلم، صبر، وفا، عشق، عاجزی
جوتوں کو صاف کرتے ہیں عالم خوشی خوشی
معلوم یہ نہیں ہے یہ دنیا ہے کونسی
زائر کے ساتھ ساتھ کئی مہرباں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
لبیک یا حسین ہی ھل من کا تھا جواب
مجمع کثیر دیکھ کے دنیا ہے لاجواب
آیا ہے اثتغاثۂِ شبیر کا جواب
عباس کا علم لیے پیر و جواں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
یہ فائدہ وباء کا ہے، بُت ہیں انا کے پاش
روضے پہ ہیں کروڑوں یہ کہتا ہے کوئی کاش
اس کربلا کو تین سو تیراہ کی ہے تلاش
نصرت کو کوئی حُر کی طرح میہماں چلے
حُبّ الحُسین یجمعنا
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
چومو یمانی رکن کو، چومو غلاف کو
دھو دھو کے صاف کردو ذرا تم مطاف کو
مالک حرم کا آتا ہے روکو طواف کو
ہے اقتدار ختم جو شاہِ زماں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
مشکل میں ہے دفاعِ مُقّدس کا کارواں
قاسم فدا ہے مالکِ اشتر کا ہم زماں
رہبر کی آنکھ نم نہ ہو اے شاہِ انس و جاں
حاصل ہو فتح آخری ہوں کارواں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
پرچم لیے بڑھے گا خراسانِ کربلا
نکلے گا اب یمن سے یمانی کا آئینہ
آزاد ہوگا بیتِ مُقّدس بھی دیکھنا
مولا چلے، زمین چلے، آسماں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
یا صاحب الزمان، وفا کا مآل دیں
ٹکڑے بدن حسین کا چادر میں ڈال دیں
اک تیر بس رباب کے دل سے نکال دیں
کب تک رباب لیتی ہوئی ہچکیاں چلے
حُبّ الحُسین یجمعنا
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
یا صاحب الزمان وہ کیسے گلا کٹا
خنجر تھا کُند اور تھا سوکھا ہوا گلا
بھائی بھی بے کفن تھا، بہن بھی تھی بے ردا
سجاد بھی سنبھالے ہوئے بیڑیاں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
یہ دو حرم، یہاں پہ قمرجانِ بین ہیں
عباس تو غلامِ شہِ مشرقین ہیں
لگتا ہے کربلا میں ہمیں دو حسین ہیں
زائر کے ساتھ شاہ کا یہ قدر داں چلے
پیدل نجف سے کرب وبلا کارواں چلے
اہلِ عزاء کے ساتھ امامِ زماں چلے
امامِ زماں چلے
امامِ زماں چلے
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.