Raza da baba tu aya aay tur wi chalya aay

رضا دا بابا توں آیا ایں ٹر وی چلیاں ایں ڈسا چا مولا کدوں تیک ہنر جدائیاں نے

اٹھاویں عیداں گزر گئیاں انتظاراں وچ آ ویکھ روندیاں دھیاں دیاں دُہائیاں نے

ڈٹھا ہے خاب تساں دے میں آؤنڑ توں پیلاں مکانڑ نانے کوں ڈینڈے میں انبیاء ڈیکھے حبیب حر تے ابوذر بلال قنبر وی تینڈے مزار تے روندے میں بالقضا ڈیکھے سنڑے نے بقیعہ وچوں وینڑ دادی زہرا دے سراں چہ پائیاں نے خاکان بتول جائیاں نے

غریب دھیاں نے رو رو کے پیو توں پچھیا ہے ہتھاں کوں بابا توں چادر چہ کیوں لکایا ہے ایناں ہتھاں دا جے سایہ نصیب نہیں ساکوں خدا دے بعد ساڈے سر تے کیندا سایہ ہے توں چودہ سال پچھوں آیا اینج وی قیدی ایں ڈسا چا بابا اے زنجیراں کیں پوائیاں نے

میں کیا ڈساواں تقاضہ ہے عین فطرت دا اے پیو تے دھیاں دا رشتہ عجیب ہوندا ہے پتر تے ہوندے نے بنیاد باپ دادے دی دھیاں دا جگ تے انوکھا نصیب ہوندا ہے سمجھ گئیاں اے ملاقات اج اخیری ہے سراں تے جوکھاں یتیمی نے آوسائیاں نے

توں بعد مدتاں دے آیا ایں چھوڑ چلیا ہے ڈسا کے جاویں کیڑے دیس ہنٹر تیاری ہے تیڈے توں بعد سخی لعل مولا جعفر دا بڑی بے چین اساں زندگی گزاری ہے کوئی تے حال ڈسا کیوں خموش ہے مولا کیڑے دناں تے اجاں ہونیاں رہائیاں نے

ملے رہائی اوکوں صدقہ موسیٰ کاظم دا کوئی وی قیدی عزادار جو تیرا ہووے ملا دے صدقہ میڈی سین دی جدائی دا وچھڑ گیا جے کسے بھینڑ دا بھرا ہووے او بیبیاں دیاں غازی توں جھولیاں بھر دے جناں جناں نے تیرے در تے آساں لائیاں نے