Kullu yaumin ashura

کـل یـــــوم عــــاشـوراء کـل ارض کـــربـــلاء يــــــا أبــــــــو الأحــــــــرار یــــــاحسین

تیری قربانی کا صدقہ اے شہید کربلا ہے زمین و آسماں کو یہ شرف تب سے ملا بر سر نوک سناں دیکھا تو قدرت نے کہا كل يوم عاشوراء كل ارض كربلاء مثل عاشورہ ہے ہر دن ہر زمیں ہے کربلا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

جو دن ہے روز عاشورہ اور جو زمیں ہے کربلا دیکھیے تفسیر اس دن کی ذرا پڑھ کے کساء حضرت جبرئیل سے جس دم محمد نے کہا يُؤْلِمُنى ما يُؤْلِمُهُمْ وَيَحْزُنُنى ما يَحْزُنُهُمْ جس نے ان کو دکھ دیا ہے مجھ کو رنجیدہ کیا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

سبھی نبی کے کلمہ گو تھے سبھی نمازیں پڑھتے تھے کرب و بلا میں سبط نبی کے خون کے لیکن پیاسے تھے حفظ کیا قرآن مگر یہ قول نبی نہ یاد رہا حَرْبٌ لِمَنْ حارَبَهُمْ وَسِلْمٌ لِمَنْ سالَمَهُمْ ان سے رفاقت مجھ سے رفاقت ان کا عدو دشمن ہے میرا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

سب کو خبر ہے سب کو پتا ہے خلد بریں کے مالک ہیں ساقی کوثر قاسم جنت عرش و زمیں کے مالک ہیں شمر ستمگر سوچ ذرا تو کاٹ رہا ہے کس کا گلا عَدُوُّ لِمَنْ عاداهُمْ وَمُحِبُّ لِمَنْ اَحَبَّهُمْ ان کا عدو ہے میرا دشمن دوست ہے ان کا دوست میرا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

لَحْمُهُ کا لَحْمى دَمُهُ کا دَمى نفسُ کا نفسي جن کو کہا چار نفس حسنین و زہرا مولا علی تھے زیر کساء صد افسوس بھلایا تم نے قول رسول اکرم کا روح پیعمبر روح زہرا کیوں نہ کریں پھر واویلا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

جس کے لیے تَطْهير کی چادر آیت بن کر آئ تھی دشت بلا میں ننگ سر وہ زینب زہرا جائ تھی بالوں سے پردہ کرتی تھی ، کرتی تھی یہ آہ و بکاہ قتل کیا میرے بھائ کو چھین لی میرے سر سے ردا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

بعد نبی کے ظلم وہ ڈھاۓ اہل ستم نے زہرا پر قتل کیا جلتی ریتی پر بنت نبی کا لخت جگر ایک طرف تھا پیاس کا صحرا ایک طرف بہتا دریا لاشۂ سرور اہل جفا نے گھوڑوں سے پامال کیا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

صبح دھم شبیر نے جب اکبر سے کہا اذان کہو وقت شہادت آ پہنچا ہے شکر خدا ہر آن کرو ہم ناطق قرآں ہیں بیٹا قرآن سنو قرآن پڑھو تیری اذاں آغاز ہے بیٹا اور انجام میرا سجدہ يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔

شام غریباں جلتے خیمے دور تلک ھو کا عالم آگ کے شعلوں کے اندر برپا تھا بھرے گھر کا ماتم ریحان لبوں پہ زینب کے بس ایک صدا تھی ایک دعا کچھ بھی نہيں درکار ہمیں ہے ہم کو ملے بس تیری رضا يــــــا أبــــــــو الأحــــــــرار۔۔۔ کـل یـــــوم عــــاشـوراء۔۔۔