Salaam lo amma
Noha Lyrics & Urdu Writeup on Return to Madina recited by Hadi Ali Khan Muslim
یہ بولی بیٹی باحسرت سلام لو اماں
سنو ہماری مصیبت سلام لو اماں
بلا کے گھر سے ہمیں اشقیاء نے لوٹا ہے
حسین بھائی میرا کربلا میں چھوٹا ہے
پہاڑ درد و مصیبت کا ہم پہ ٹوٹا ہے
ہوی یہ کیسی ضیافت سلام لو اماں
سنو ہماری مصیبت۔۔۔
سنو اے اماں میرے سر سے چھن گیء چادر
گیء میں کوچہ و بازار میں برہنہ سر
رسن کے نیل ابھی تک ہے میرے بازو پر
ملا یہ اجر رسالت سلام لو اماں
سنو ہماری مصیبت۔۔۔
میں شام و کوفہ کی حالت تمہیں سناؤں کیا
جو اہلبیت پہ بیتی وہ اب بتاؤں کیا
رسن کے نیل ہیں بازو پہ میں دکھاؤں کیا
خود اٹھ کے دیکھ لو حالت سلام لو اماں
سنو ہماری مصیبت۔۔۔
عجیب ظلم کی آندھی چلی زمانے میں
کلیجے پھٹتا ہے روداد غم سنانے میں
سکینہ مر گیء گھٹ گھٹ کے قید خانے میں
بنا کے آی ہوں تربت سلام لو اماں
سنو ہماری مصیبت۔۔۔
زباں پہ حرف شکایت نہ لا سکی زینب
گلہ کیا نہ کسی کا بھی چپ رہی زینب
یزید نحس کے دربار میں گیء زینب
براے بخشش امت سلام لو اماں
سنو ہماری مصیبت۔۔۔
غریب بیٹی سے روداد کربلا سن لو
جو ہم پہ ہو گیء پردیس میں جفا سن لو
جو سن سکو تو شہادت کا واقعہ سن لو
جواب دیتی ہے ہمت سلام لو اماں
سنو ہماری مصیبت۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.