Ghazi e bawafa
Noha Lyrics & Urdu Writeup on Shaam recited by Rizwan Zaidi
غازیِ باوفا چھن رہی ہے ردا
نہر سے لوٹ آ چھن رہی ہے ردا
مال و اسباب سب لوٹتے ہیں لعیں
جلتے خیام میں گھس رہے ہیں لعیں
حشر ہے اِک بپا چھن رہی ہے ردا
غازیِ باوفا۔۔۔
جاں سے سیدانیاں اب گزر جائیں گی
موت سے پہلے ہی ساری مر جائیں گی
ہے یہ وقتِ قضا چھن رہی ہے ردا
غازیِ باوفا۔۔۔
اِس سے پہلے کے سر رن میں ہو بے ردا
ساری سیدانیاں کر رہی ہیں دعا
موت دے اے خدا چھن رہی ہے ردا
غازیِ باوفا۔۔۔
تیرے بازو کٹے صبر میں نے کیا
سب سہارے چھنے صبر میں نے کیا
اب نہیں حوصلہ چھن رہی ہے ردا
غازیِ باوفا۔۔۔
ہر طرف اب یہاں آگ ہی آگ ہے
جائوں آخر کہاں آگ ہی آگ ہے
ظلم اِس پر سوا چھن رہی ہے ردا
غازیِ باوفا۔۔۔
بے ردائی کا غم بھائی کیسے سہوں
تو ہی آ کر بتا میں صدا کس کو دوں
سن بہن کی بکا چھن رہی ہے ردا
غازیِ باوفا۔۔۔
مجھ سے کہتے تھے یہ میرے بابا علی
ہو گی تو بے ردا اے مری لاڈلی
وقت وہ آگیا چھن رہی ہے ردا
غازیِ باوفا۔۔۔
میں تیری آس پر آئی تھی کربلا
تیرے ہوتے ہوئے کیوں چھنے گی ردا
قتل تو ہو گیا چھن رہی ہے ردا
غازیِ باوفا۔۔۔
نور ہر لاش سے خوں ابلنے لگا
لاشہِ باوفا بھی تڑپنے لگا
جب یہ گونجی صدا چھن رہی ہے ردا
غازیِ باوفا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.