Aa alamdar haye alamdar

آ علمدار ہائے علمدار

کرتے تھے رو رو کے یہ حضرت بیاں توڑ گئے میری کمر بھائی جاں آ علمدار ہائے علمدار

روتی ہے خیموں میں سکینہ وہاں سوتے ہو عباس زمیں پر یہاں آ علمدار ہائے علمدار

لاش اٹھائے گا کون شیر جواں مر گیا قبر بنائے گا کون شیر جواں مر گیا ہم کو سنبھالے گا کون شیر جواں مر گیا توڑو نہ غربت میں میری آس اٹھو اٹھو حسین آیا ہے عباس اٹھو روتا ہے مظلوم بصد یاس اٹھو اٹھو بس اب گھر میں چلو بھائی جاں آ علمدار ہائے علمدار۔۔۔

کون خبر لے میری شیر جواں مر گیا ہائے میری بیکسی شیر جواں مر گیا چلتی ہے دل پر چھری شیر جواں مر گیا کیا ہوا سقائے سکینہ کو آہ کس نے کیا میرا بھرا گھر تباہ کیا ہوئی عباس برادر کی چاہ اب گئیں وہ پیار کی باتیں کہاں آ علمدار ہائے علمدار۔۔۔

مر گیا اکبر پسر شیر جواں مر گیا تھام لو میری کمر شیر جواں مر گیا لٹ گیا بیکس کا گھر شیر جواں مر گیا زینت بازو میرا کیا ہو گیا زینت پہلو میرا کیا ہو گیا عاشق دل جو میرا کیا ہو گیا کیا ہوا افسوس میرا قدر داں آ علمدار ہائے علمدار۔۔۔

دھوم ہے خیمے میں واں شیر جواں مر گیا کرتی ہے زینب فغاں شیر جواں مر گیا کس سے کروں میں بیاں شیر جواں مر گیا ہاتھ سے کھویا دل غم خوار کو پاؤں کہاں اپنے علمدار کو گھیری ہوئی خنجر خوں خوار کو جلد گلے پر ہو میرے اب رواں آ علمدار ہائے علمدار۔۔۔

اب کوی چارہ نہیں شیر جواں مر گیا زیست گوارا نہیں شیر جواں مر گیا کوئی ہمارا نہیں شیر جواں مر گیا ماہ بنی ہاشم والا نہیں بس میرے مہرو کا اجالا نہیں ہائے میرا چاہنے والا نہیں نظروں میں تاریک ہے سارا جہاں آ علمدار ہائے علمدار۔۔۔

آنکھوں کا تارا میرا شیر جواں مر گیا چاند کا ٹکڑا میرا شیر جواں مر گیا گھر کا اجالا میرا شیر جواں مر گیا روح علی جان نبی الوداع عاشق و شیدائے اخی الوداع لاشہء عباس علی الوداع آتے ہیں اب ہم بھی چلو بھائی جاں آ علمدار ہاے علمدار۔۔۔