Jawani bain karti
Noha Lyrics & Urdu Writeup on Hazrat Ali Akbar (a.s) recited by Rizwan Zaidi
جوانی بین کرتی ہے علی اکبر کے لاشے پر
ضعیفی آ گئی مجھ پر ترے غم میں علی اکبر
جواں بیٹے کے سینے پر جو رویا ٹوٹ کے نیزہ
ضعیفی میں شہِ والا کے دل پہ چل گیا خنجر
جوانی بین کرتی ہے۔۔۔
بڑا ارمان تھا اُس کو علی اکبر کی شادی کا
چھپا لو لاش اکبر کی کہیں نہ دیکھ لے مادر
جوانی بین کرتی ہے۔۔۔
جھلستی دھوپ میں ہے ایک پیاسے شیر کا لاشہ
لہو کیوں روئیں نہ آنکھیں قیامت خیز ہے منظر
جوانی بین کرتی ہے۔۔۔
سرِ ساحل تڑپتا رہ گیا عباس کا لاشہ
چلے شبیر جب تنہا اٹھا کر لاشہِ اکبر
جوانی بین کرتی ہے۔۔۔
کہاں ہو ہاشمی شیروں اکیلے ہیں شہِ والا
کوئی امداد کو آئو پکاری زینبِ مضطر
جوانی بین کرتی ہے۔۔۔
رہی جب تک بھی ماں زندہ یہی کہتی رہی ہائے
علی اکبر علی اکبر علی اکبر علی اکبر
جوانی بین کرتی ہے۔۔۔
علی اکبر کے حجرے کو سجاتی رہ گئی صغرا
نہ آیا لوٹ کر بھائی تو غم سے مر گئی خواہر
جوانی بین کرتی ہے۔۔۔
وہ اپنے چاند سے بیٹے کا سہرا دیکھ نہ پائی
علی اکبر کی ماں کو بس یہی غم کھا گیا گوھر
جوانی بین کرتی ہے۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.