Ay baade saba ja
Noha Lyrics & Urdu Writeup on Hazrat Ali Asghar (a.s) recited by Ameer Hasan Aamir
اے بادِ صبا جا جا بادِ صبا جا
بانو نے کہا جا کے میرا حال سنا دے
دم بھر میرے سوے ہوئے اصغر کو جگا دے
جو مجھ پہ گزرتی ہے زرا جا کے بتا دے
اے بادِ صبا جا۔۔۔
ہر گام میسر ہو تجھے سہنے گلستان
تا حشر سلامت رہے مہکے تیرا دامن
بچے کی میرے قبر پہ دو پھول چڑھا دے
اے بادِ صبا جا۔۔۔
ہمدرد نہ ہم دم نہ کوئی مونس و یاور
سناٹے بیابان میں گم جاے نہ اصغر
ہر سمت اندھیرا ہے تو ہی شمع جلا دے
اے بادِ صبا جا۔۔۔
یہ دھیان رہے دشت میں دھیرے سے اترنا
ہر سمت سے آہستہ دبے پاؤں گزرنا
ایسا نہ ہو اعدا میں کوئی شور مچا دے
اے بادِ صبا جا۔۔۔
گھبرانا نہیں کشتۂ شمشیر جو پوچھے
تو کون ہے کیوں آی ہے شبیر جو پوچھے
میں نے تجھے بھیجا ہے یہ چپکے سے بتا دے
اے بادِ صبا جا۔۔۔
رونا بھی اگر آے تو منہ پھیر کے رونا
بچے کا گلا دیکھ کے تو ہوش نہ کھونا
ایسا نہ ہو کپڑا کوی گردن سے ہٹا دے
اے بادِ صبا جا۔۔۔
جاگا جو اگر چاند ستاروں سے کہے گا
وہ تجھ سے یہ آنکھوں کے اشاروں سے کہے گا
گر یاد ہو اچھی سی کوی لوری سنا دے
اے بادِ صبا جا۔۔۔
کرتا ہے لہو دل پہ میرے اس کا بچھڑنا
دیکھے نہ کوئی ماں کسی جھولے کا اجڑنا
وہ آے اگر گود میں تو ہاتھ بڑھا دے
اے بادِ صبا جا۔۔۔
آغوش میں رکھے جو مچلنے کا ارادہ
ہو اس کا اگر گھنٹیوں چلنے کا ارادہ
تو زیر قدم خاک پہ پلکوں کو بچھا دے
اے بادِ صبا جا۔۔۔
ہر شیر مصائب کی نگینوں سے جڑا ہے
کاظم نے لکھا ہے اسے عامر نے پڑھا ہے
یہ نوحہ میرا فاطمہ زہرا کو سنا دے
اے بادِ صبا جا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.