Qayamat kyun nahi
Noha Lyrics & Urdu Writeup on Bibi Fatema (s.a) recited by Rizwan Zaidi
پکاری غربتِ زہرا قیامت کیوں نہیں آئی
مدینے میں ہوا کیا کیا قیامت کیوں نہیں آئی
گرایا سیدہ پر جلتا دروازہ لعینوں نے
تڑپ کر رہ گئیں زہرا قیامت کیوں نہیں آئی
پکاری غربتِ زہرا۔۔۔
علی کو لے گئے جب قید کر کے قاتلِ محسن
لرز کر رہ گیا کعبہ قیامت کیوں نہیں آئی
پکاری غربتِ زہرا۔۔۔
وہ جس بی بی کے آنے پر کھڑے ہوتے تھے پیغمبر
کھڑی ہے آج وہ دکھیا قیامت کیوں نہیں آئی
پکاری غربتِ زہرا۔۔۔
سلام آ آ کے کرتے تھے رسول اللہ جس دَر پر
جلا جب وہ ہی دروازہ قیامت کیوں نہیں آئی
پکاری غربتِ زہرا۔۔۔
جو تھیں صدیقہِ عالم سرِ دربار امت نے
جب اُس بی بی کو جھٹلایا قیامت کیوں نہیں آئی
پکاری غربتِ زہرا۔۔۔
لپٹ کر ماں کی میت سے شہ مظلوم کہتے تھے
سروں سے اُٹھ گیا سایہ قیامت کیوں نہیں آئی
پکاری غربتِ زہرا۔۔۔
ظفر اب بھی ستم جاری ہیں بی بی پر بقیعہ میں
ہوا مسمار جب روضہ قیامت کیوں نہیں آئی
پکاری غربتِ زہرا۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.