Aake maqtal mein
Noha Lyrics & Urdu Writeup on Ashoor recited by Anj. Masoomeen
آ کے مقتل میں صف ماتم بچھاؤ فاطمہ
دشمنوں میں گھر گیا ہے آپ کا پیارا حسین
جاں بلب ہے کربلا میں بیکس و تنہا حسین
تشنہ لب بیٹے کو سینے سے لگا لو فاطمہ
آ کے مقتل میں۔۔۔
اب نہ قاسم ہے نہ اکبر ہے نہ عباس جری
خنجر ظلم و ستم ہے گردن سبط نبی
عصر کا ہنگام ہے بالیں پہ آؤ فاطمہ
آ کے مقتل میں۔۔۔
گرم ریتی پر تڑپتا ہے نبی کا لاڈلا
گونجتی ہے کربلا میں وا حسینا کی صدا
بے ردا مقتل میں زینب ہے سنبھالو فاطمہ
آ کے مقتل میں۔۔۔
کیا مصیبت کی گھڑی ہے کیا قیامت کا سماں
آے ہیں کربوبلا میں سرور و کون و مکاں
غم کی یہ روداد بابا و سناؤ فاطمہ
آ کے مقتل میں۔۔۔
اللّٰہ اللہ ابن حیدر بے خطا مارا گیا
رہ گیء زینب تڑپ کر اور گلا کاٹا گیا
بھای کا پرسہ بہن کو دینے آؤ فاطمہ
آ کے مقتل میں۔۔۔
رو رہی پیٹ کے سر غم کی ماری بی بیاں
باپ کے غم میں سکینہ لے رہی ہے ہچکیاں
آ کے سینے سے سکینہ کو لگا لو فاطمہ
آ کے مقتل میں۔۔۔
عرش والے رو رہے ہیں رو رہا ہے آسماں
رنج و غم سے کانپتا ہے ایک مریض ناتواں
عابد مضطر کو پرسہ دینے آؤ فاطمہ
آ کے مقتل میں۔۔۔
اے تکلم اہلِ ستم اب گھر جلانے آے ہیں
اہلبیت مصطفیٰ پر ظلم ڈھانے آے ہیں
بی بیوں کو اس مصیبت سے بچاؤ فاطمہ
آ کے مقتل میں۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.