Har dam hussain
Noha Lyrics & Urdu Writeup on Azadari recited by Hasan Sadiq
ہر دم حسین تیرا غم حسین
ہے یہی دعا ہر مومن کی
رہے آنکھ ہماری نم حسین
تصویر پیمبر کے غم میں
یہ سارا عالم روتا ہے
گھر گھر میں مجلس جاری ہے
گھر گھر میں ماتم ہوتا ہے
زنجیر سے ماتم اکبر کا
تا حشر کریں گے ہم حسین
ہر دم حسین۔۔۔
خون حیدر کا ہے اصغر میں
اس بات کو حرمل بھول گیا
تھا تیر ستم حلقوم پہ جو
نیزے پہ جھولا جھول گیا
ہے کر گیا سارے عالم کی
ہر آنکھ کو وہ پرنم حسین
ہر دم حسین۔۔۔
معصوم جوانی قاسم کی
اب چین سے خاک پہ سوتی ہے
کر کر کے یاد سمندر کو
کربلاکی زمین بھی روتی ہے
جس طرح ہوا ٹکڑے ٹکڑے
مقتل میں تیرا قاسم حسین
ہر دم حسین۔۔۔
لے پرسہ اس معصومہ کا
کانوں سے جس کے خون بہا
جو دفن ہوی زنجیروں میں
جلا کرتہ جس کو کفن ملا
ٹکراتی تھی جو سر زنداں سے
رو کہتی تھی ہر دم حسین
ہر دم حسین۔۔۔
نہ سر کو جھکانے پاے لعیں
چاہا تھا جھکانا جس سر کو
خود اپنے سروں سے بھی اونچا
پڑا ان کو اٹھانا جس سر کو
گو کٹ گیا تیرا سر لیکن
پھر بھی نہ ہوا یہ خم حسین
ہر دم حسین۔۔۔
ہر دم کرو سنت ہے ماتم
ہے کرتے رہے یہ خود خاتم
نہ رکنے سے رک پاے گا
بڑھتا ہی رہے گا یہ ماتم
زینب کی دعا ہے یہ ماتم
ہوگا نہ کبھی یہ کم حسین
ہر دم حسین۔۔۔
اجڑا ہے پاک محمد کا
بن میں ہنستا بستا گلشن
کرتی ہے ماتم زینب کا
خورشید کے دل کی ہر دھڑکن
تیرے اکبر قاسم اصغر کا
ہر سانس میں ماتم حسین
ہر دم حسین۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.