Bibiyan kar rahi
Noha Lyrics & Urdu Writeup on Karbala recited by Tableegh e Imamia
بی بیاں کر رہی ہے یہ نوحہ
ہاے اکبر ہاے قاسم ہاے اصغر
میرا کڑیل جواں میرا اکبر
ہاے میرا شبیہ پیمبر
میرا گیسوؤں والا دلبر
بین کرتی ہے یہ ام لیلیٰ
ہاے اکبر ہاے قاسم۔۔۔
میرا ناشاد قاسم نوشاہ
خون میں تر ہوا تیرا سہرا
ایک شب کی دلہن ہوئی بیوہ
بین کرتی ہے یہ ام فروا
ہاے اکبر ہاے قاسم۔۔۔
میرا بے شیر ہنسلیوں والا
میرا ششماہ گھر کا اجالا
لٹ گیا میرا نازوں کا پالا
بین کرتی ہے یہ بانو دکھیا
ہاے اکبر ہاے قاسم۔۔۔
تشنہ لب میرا اصغر ناداں
گود خالی ہے جھولا ہے ویراں
تجھکو ڈھونڈنے جاے کہاں ماں
کس کو لوری سناؤں بیٹا
ہاے اکبر ہاے قاسم۔۔۔
کیسا خالی ہوا ہے بھرا گھر
نہیں عباس جیسا برادر
آج تنہا ہے سبط پیمبر
بیکسی کر رہی ہے یہ گریہ
ہاے اکبر ہاے قاسم۔۔۔
حق پہ قرباں ہوئے جو بہتر
کر سلام شہیدوں کو محشر
صبر و ایثار کے تھے جو پیکر
ہے انہیں کے لئے میرا نوحہ
ہاے اکبر ہاے قاسم۔۔۔
Want these lyrics offline?
Install the Bayaaz mobile app for iOS and Android to read all 7,000+ lyrics offline, create personalized playlists, and experience seamless audio playback anywhere.